Skype мобиль қурилмаларда жамоавий видеочатни татбиқ қилади
Skype бепул алоқа дастури видео қўнғироқ хизматини 10 йиллигини нишонламоқда. Мазкур сана муносабати билан дастур яратувчилари томонидан мобиль қурилмаларга мўлжалланган жамоавий видеочат хизматини тақдим қилган. Мазкур жамоавий видеочатларда 25 нафаргача фойдаланувчи иштирок этиши мумкин.
Ҳозирча расмий тақдимот қачон бўлиши аниқ эмас. Аммо хорижий оммавий ахборот воситалари янги хизматнинг саноқли ҳафталар ичида расман эълон қилинишини ёзишмоқда.
Янги функциядан Android, iPhone, iPad ва Windows 10 Mobile операцион тизимларида фойдаланиш мумкин. Skype хизмати томонидан ушбу янги функциянинг Android планшетларида ҳам фойдаланиш мумкинлиги тасдиқланган. Skype веб-сайтидан рўйхатдан ўтиш орқали бу қулайликдан фойдаланиш мумкин.
Компания янги хизмат ҳақида WhatsApp томонидан Skype хизматига рақобатчи бўлган бирга бир видео қўнғироқ хизматининг эълон қилинишидан бир неча ҳафта ўтиб эълон қилмоқда.
Эслатиб ўтамиз, бугун дунё миқёсида 4,9 миллион фаол, 300 миллиондан зиёд доимий фойдаланувчига эга Skype хизматига 2003 йилда асос солинган. 2011 йилда Microsoft компанияси дастурни 8,5 млрд. АҚШ долларига харид қилган. Кун давомида фойдаланувчилар томонидан Skype ёрдамида 3 миллиард дақиқалик суҳбатлар қурилади.
