Смартфон аккумуляторидан қуёш батареяcи ишлаб чиқиш мумкин
Жанубий Кореянинг Кенг Хи университети олимлари фойдаланилмаётган мобиль алоқа қурилмаларининг аккумуляторларидан янги мақсадда фойдаланиш таклифини билдиришмоқда. Уларнинг фикрича. бу каби қувват тошларидан қуёш батареялари тизимларини яратиш мумкин. Бу ҳақда Phys.org сайти хабар бермоқда.
Энергиянинг арзон манбаи бўлмиш аккумуляторларни қайта ишлаб, улардан қуёшдан қувват олиб, ён-атрофни ёритиши мумкин бўлган ёритгичларни яратиш мумкин экан. Айниқса, электр тармоқлари етиб бормаган, керосин ва шағамлардан фойдаланаётган ҳудудларда бу каби технология иш беради.
Тадқиқотчиларнинг фикрича, 25 АҚШ долларига бутун бошли қуёшли батареянинг ёритиш тизимини тайёрлаш мумкин экан. Ҳар бир ёритиш тизимига эса электр токи сиғими 3000 мА соат бўлган 3 дона аккумулятор керак бўлади.
Бу каби аккумуляторли қуёш батареялари 3 йил мобайнида ҳар куни 5 соат беминнат ёруғлик таратиб, хизмат қилиш мумкин экан.
Олимлар мазкур лойиҳани ривожлантириб, бир қатор Африка давлатларида амалга оширишни режа қилишмоқда. Шундай экан, бу каби батареяларни ташлаб юборишга ошиқманг.
