Смартфонга масофадан туриб илова юклашни ўрганамиз
Бирор бир иловани смартфонингизга масофадан туриб, яъни қурилма қўлингизда бўлмаса ҳам юклаб олиш ҳақида ҳеч бир ўйлаб кўрганмисиз? Бунинг ўзи иложи борми, дейсизми? Ҳа, албатта!
Android смартфонга исталган иловани масофадан туриб, ҳатто iPhone ёрдамида ҳам расман юклаш имкони мавжуд.
Кимнингдир смартфонини ишлатаётиб, бирор бир зўр иловани кўриб қолсангиз, ўша заҳотиёқ дастурни ўз смартфонингизга масофадан туриб юклаб олса бўлади. Қуйида бу ҳақда тўхталиб ўтамиз.
1-этап. Браузердан Play Store сайтига киринг.
Агар сизда юкламоқчи бўлган илованингизнинг Play Store'даги ҳаволаси (линк, ссилка) бўлса, ҳозироқ учинчи этапга ўтишингиз мумкин.
Агар дастур ҳаволаси бўлмаса, Android бўлмаган қурилма браузери орқали Google Play Store'нинг сайтига ташриф буюринг. Агар, масалан, iPhone ёки Mac ишлатаётган бўлсангиз, Safari браузеридан фойдаланасиз. Ташриф буюриш керак бўлган саҳифа эса: play.google.com/store.
2-этап. Сайтдан иловани топинг.
Ўзингизга керак бўлган иловага қидирув беринг.
3-этап. Иловани масофадан туриб ўрнатинг.
Энди эса яшил рангдаги «Ўрнатиш» тугмаси устига босинг. Шунда, сиздан Google аккаунтингизга кириш сўралади. Профилингизга кирганингиздан сўнг, аккаунтингизга уланган қурилмалар, жумладан, смартфон, Android TV ва планшетлар рўйхати кўринади. Рўйхатдан исталган қурилмангизни танланг ва «Давом этиш» тугмасини босинг.
Биринчи марта масофадан илова ўрнатаётганингизда аутентификация қилишни хоҳлайсизми-йўқми, шу сўралади. Лекин ҳар сафар масофадан дастур ўрнатаётганингизда Google аккаунтингиз пароли сиздан сўралади.
Шунда, Android қурилмангизга дастур юклана бошлайди. Android смартфондаги интернет тезлигига қараб, жараён секин ёки тез амалга ошиши мумкин. Асосийси, иловани ўрнатиб олсангиз бўлгани!
ЎҚИНГ: Бир хилликдан зерикдингизми?
