Смартфонлар бозорига янги "ўйинчи" кириб келмоқда
2020 йилда OnePlus асосчиларидан бири Карл Пеи компанияни тарк этиб ўзининг янги Nothing техно-компаниясини ташкил қилди. Ўтган йилнинг август ойида ўзининг биринчи маҳсулоти, ear (1) деб номланувчи қулоқчинларини тақдим қилганидан кейин, яқинда, компания смартфонлар бозорига ҳам киришни режалаштираётгани ва phone (1) номли телефонини чиқариши маълум бўлган эди.
Муаллиф: Бен Гескин
Apple'нинг iPhone смартфонларига ўхшаш бўлиши айтилган Nothing Phone 1 қурилмаси Android'га асосланган Nothing OS операцион тизимида ишлайди ва унинг Launcher'ини сиз ҳозироқ Android телефонингизда синаб кўришингиз мумкин. Nothing раҳбари Карл Пеи сўзларига қараганда янги смартфонининг худди Nothine Ear 1 қулоқчинлари каби ички қисмлари кўриниб турадиган шаффоф дизайнга эга бўлади. Компания расман Qualcomm билан ҳамкорлик қилиниши маълум қилган ва шундай экан янги мобил қурилма Snapdragon чипсети билан таъминланади.
Миш-мишларга кўра, Nothing Phone 1 смартфони жорий йилнинг июл ойида тақдим қилинади ва 21 июлдан 500 евро (6 миллион сўмга яқин) нархда сотувга чиқарилади.
ЎҚИНГ: Ортга назар: учта ҳатто тўртта SIM-карта уясига эга бўлган ноодатий телефонлар
