Смартфонлар учун покемонлар ҳақида янги ўйин – Pokemon Rumble Rush чиқди
2016 йилнинг 6 июнида японларнинг Nintendo компанияси Pokemon GO ўйинини омма эътиборига ҳавола қилган эди. Мазкур ўйин бутун дунёда жуда тез оммалашиб, катта шов-шувга сабаб бўлди.
ЎҚИНГ: Санкт-Петербургда «Эҳтиёт бўлинг, покемон овловчилар!» йўл белгиси ўрнатилди
Nintendo энди мобил қурилмалар учун покемонлар ҳақида яна битта – Pokemon Rumble Rush ўйинини ишлаб чиқди. Шартли бепул бўлган ушбу ўйинда бутун дунё бўйлаб сочиб ташланган турли жонзотлар билан курашилади.
Pokemon Rumble Rush’да сиз ороллар бўйлаб саёҳат қилишингиз, покемонларнинг яшаш жойларини топиб, улар билан жанг қилишингиз керак бўлади. Ҳар бир ғалабангиз учун янги жонзотлар қўшилиб боради, уларнинг куч ва қобилиятлари турлича бўлади.
ЎҚИНГ: Nintendo компанияси iPhone ва Android-смартфонлар учун ҳам ўйинлар тайёрламоқда
Ўйинда керакли жойга етиб борганингизда, персонажингиз ўзи олға югуриб кета бошлайди. Ёнида душманлар пайдо бўлганида уларнинг устига боссангиз, покемонингиз уларга ҳамла қилади. Ҳар бир босқич охирида «катта босс»га дуч келасиз, уни енгганингиз эвазига соврин оласиз.
Pokemon Rumble Rush ҳозирча фақат Android-қурилмалар учун чиққан ва Google Play дўконида Австралиядаги фойдаланувчилар учунгина тақдим этилган. Лекин сиз мана бу ҳавола орқали унинг APK-файлини юклаб олиб ўрнатишингиз мумкин.
ЎҚИНГ: Йилнинг энг муваффақиятли Apex Legends ўйини энди смартфонларга ҳам чиқади! (+видео)
