Smartisan’нинг мутлақо ромсиз, Snapdragon 845’ли флагмани тайёр!

  •   DiMaX
  •  2159
  •  26.04.2018 11:25

Smartisan’нинг мутлақо ромсиз, Snapdragon 845’ли флагмани тайёр!

Хитойлик биз билган ва билмаган кўплаб смартфонсозлар етакчи компаниялар ҳам қилиб кўрмаган инновацияларга қўл уришади ва баъзида буни зўр уддалашади ҳам. Шундайлардан бири – Smartisan ўтган йили ўзининг Smartisan Nut 3 смартфонини тақдим этган эди.

ЎҚИНГ: Smartisan Nut Pro: ҳашамдор “қўш кўз”лининг нархи ҳайратда қолдирмоқда

Энди бу компания ҳақиқатан ҳам тўлиқ экранли – дисплейининг ҳеч бир томонида умуман роми бўлмаган биринчи смартфонни тайёрлади. Smartisan R1 деб номланувчи ушбу қурилманинг суратини инсайдерлар интернетга ҳам чиқариб юборишди.

Smartisan R1 смартфони яқинда Хитойнинг CCC регуляторида сертификациядан ўтди, бу эса унинг тақдимот санасигача оз вақт қолганлигидан далолатдир.

Шунингдек, Weibo ижтимоий тармоғидаги Smartisan расмий саҳифасида реклама тарзидаги пост эълон қилинган. Унда якка кристалли Snapdragon 845 тизимининг хусусиятлари тавсиф этилади. Шунга қараганда, мутлақо ромсиз Smartisan R1 мазку процессор базасида ишлайди.

Smartisan R1 флагманининг нархи ва техник хусусиятлари маълум эмас. Аммо унинг 15 май куни тақдим этилиши кутилаётир, эҳтимол, бозорга ҳам тез орада чиқарилса керак. Агар Хитойда сотувга қўйилса, эҳтимол, уни онлайн савдо платформалари орқали харид қилиш имкони ҳам туғилар.

ЎҚИНГ: AliExpress’даги товарларга «Terabayt.uz» орқали буюртма беринг!

Terabayt.uz сайтининг видеолари: Youtube'даги каналимизда!