Snapdragon 8+ Gen 1 чипи билан чиқариладиган илк смартфон
Бир неча ҳафта олдин Asus компанияси ўзининг бўлажак ROG Phone 6 сериясидаги смартфонлари Қуалcоммънинг ўтган ойда тақдим қилинган Snapdragon 8+ Gen 1 чипсети билан чиқариладиган дунёдаги илк смартфон бўлишини маълум қилган эди. Бугун эса компания янги авлод смартфонлари серияси қачон тақдим қилиниши эълон қилди.
Asus ўз Twitter саҳифасида улашган тизер постерга кўра, компания ROG Phone 6 смартфонлари қатори ва шу билан бирга бир қанча янги гейминг аксессуарларини 5 июл куни Тошкент вақти билан 17:00 да, бир вақтнинг ўзида Тайван, Берлин ва Ню-Ёркда виртуал ўтказиладиган виртуал тадбир давомида тақдим қилинади.
Asus ROG Phone 6 қатори ўз ичига уч хил: ROG Phone 6, ROG Phone 6 Pro ва ROG Phone 6 Ultimate моделларини ўз ичига олади ва улар Snapdragon 8+ Gen 1 чипсети билан чиқарилиши кутилмоқда.
Snapdragon 8+ Gen 1 чипсети олдингисига қараганда смартфонларда процессор ва график картанинг 10% яхшироқ ишлаши ва 30% камроқ батарея қувват сарфлашини таъминлайди.
