Dimesity 9200 ашаддий рақиби: Snapdragon 8 Gen 2 расман тақдим қилинди!

Dimesity 9200 ашаддий рақиби: Snapdragon 8 Gen 2 расман тақдим қилинди!

Qualcomm ваниҳоят ўзининг янги флагман чипсети, Snapdragon 8 Gen 2'ни тақдим қилди. Янги чипсет ўтган йилгидек 4 нанометрли процессор устига қурилган, бироқ бу сафар у бошқача ядро конфигурацияга эга: Kryo процессори 3.2 гигаерцли битта асосий Arm Cоrtex Х3, 2.8 гигагерцли тўртта ишчи ядролар ва самарадорлик учун 2 гигагерцли учта ядроларни ўз ичига олади.

Фото: Qualcomm

Snapdragon 8 Gen 1 билан таққослаганда янги авлод процессори 35% тезроқ ва 40% тежамкорроқ ҳисобланади. Унинг графикаси тезлиги эса 25 фоизга ошган ва у энди 45 фоизга камроқ энергия сарфлайди. Айтиш керакки, чипсет ҳам 64 битли ҳам 32 битли операцияларни қўллаб-қувватлайди ёхуд Snapdragon 8 Gen 2 ўрнатилган смартфонларда эски иловалар ҳам, янгилари ҳам бирдек муаммосиз ишлайверади

Qualcomm'нинг айтишича, унинг янги чипсети сунъий интеллект амалларини 4.35 марта тезроқ бажара олади. Шунингдек, компания у бир тилни реал вақтда бошқа бир нечта тилларга таржима қила олишини ҳам таъкидлайди.

MediaTek яқинда тақдим қилган Dimensity 9200 каби Qualcomm'нинг янги чипи ҳам Wi-Fi 7 қўллаб-қувватланишига эга. Қолаверса, Snapdragon 8 Gen 2'нинг Х70 модеми бир вақтнинг ўзида иккита турли 5G тармоғидан фойдаланишни ҳам таклиф қила олади.

Аудио борасида Snapdragon 8 Gen 2 энди динамик фазовий аудио хусусиятига эга, яъни буни қўллаб-қувватлайдиган қулоқчинлар билан мусиқа сиз бошингизни ҳаракатлантирганингизда сиз билан бирга ҳаракатланади.

Фото: Qualcomm

Расмлар томонда Qualcomm янги чипсети сиз суратга олиш тугмасини босишингиздан аввал юзлар, сочлар, кийим-кечаклар, фонлар таниб олинади ва улар алоҳида оптималлаштирилади ва бу реал вақтда суратлар ва видеоларни яхшилаш имконини беради. Шунингдек, янги чипсет 8К форматда видеога олиш қўллаб-қувватлайди, лекин видеоларни фақат 4К форматда кўриш мумкин.

Фото: Qualcomm

Геймингга келадиган бўлсак, Snapdragon 8 Gen 2 билан ўйинлар энди янада реалистик кўринади, чунки у тезлаштирилган аппарат билан реал вақтда "ray tracing" ёхуд "нурларни кузатиш" хусусиятига ҳам эга. Шунингдек, чипсет қаҳрамонларни юқори даражада реал кўрсатадиган MetaHuman фреймворкини ҳам қўллаб-қувватлайди.

Фото: Qualcomm

Qualcomm'нинг Snapdragon 8 Gen 2 билан жиҳозланган смартфонлар тез орада, эҳтимол бир неча ҳафтадан сўнг тақдим қилинади.

ЎҚИНГ: Snapdragon 8 Gen2 чипли смартфон Geekbench'да қўлга тушди

Сайт янгиликларидан доимий хабардор бўлиш учун Телеграм каналимизга қўшилинг!