Snapdragon 8 Gen1 чипига эга бўлган илк букламафон тақдим этилди

Snapdragon 8 Gen1 чипига эга бўлган илк букламафон тақдим этилди

Honor Magic V - Qualcomm'нинг энг сўнгги Snapdragon 8 Gen1 чипи билан жиҳозланган илк букламафон. Қурилма 7.9 дюймли асосий дисплей ва 120Hz янгиланиш частотасида ишловчи 2560х1080 пиксел резолюциядаги 6.45 дюймли ташқи дисплейга эга.

ЎҚИНГ: OnePlus 10 Pro тақдим этилди

Ташқи дисплейининг ҳажмлари оддий смартфонларники билан ўхшаш. Унда кунлик одатий вазифаларни қийинчиликсиз бажариш мумкин. Кўриниб турибдики, Honor ташқи дисплейдан фойдаланишни осонлаштиришга ҳаракат қилган. Мисол учун, Galaxy Z Fold3'нинг ташқи дисплейи юзаси узун ва торлиги сабаб ундан фойдаланиш бироз қийинчилик туғдиради.

Magic V букламафонининг асосий дисплейи 7.9 дюймли OLED бўлиб, у 90Hz янгиланиш частотада ишлайди. Дисплей резолюцияси 2272х1984 пикселни ташкил қилади, шунингдек, у HDR10+ ва 10bit colors функцияларини қўллаб-қувватлайди. Камералар ҳақида маълумот берадиган бўлсак, қурилмага 50МП асосий камера, 50МП ультракенг камера, 50МП ранг спектри учун мўлжалланган камера ва ташқи ва ички дисплей учун иккита юмалоқ тирқишли 48МП селфи камера ўрнатилган.

Magic V смартфони 12ГБ тезкор, 256/512ГБ доимий хотирага эга. Унга 66 ваттда қувват олувчи 4,750 мАс сиғимли аккумулятор ўрнатилган. Қурилма Android 12 операцион тизимига асосланган Magic UI 6.0 график қобиғида ишлайди.

Honor Magic V уч хил: Titanium Silver, Black ва Burnt Orange рангларида тақдим этилди. Унинг нархи қуйидагича:

Honor Magic V (12/256ГБ) - 1570 доллар
Honor Magic V (12/512ГБ) - 1725 доллар

Смартфон Хитойда 18 январь санасидан сотувга чиқади. Ҳозирча унинг глобал версияси сотувга чиқиши ёки чиқмаслиги номаълум.

ЎҚИНГ: iQOO 9 ва iQOO 9 Pro смартфонлари тақдим этилди

Хабарларни тез ва осон ўқиш учун Андроид иловамизни сақлаб олинг.