Snapdragon 8 Gen1+ чипининг тахминий тақдимот санаси маълум бўлди

Snapdragon 8 Gen1+ чипининг тахминий тақдимот санаси маълум бўлди

Qualcomm компанияси яқин орада ўзининг Snapdragon 8 Gen1+ чипини тақдим этиши кутилмоқда. Digital Chat Station инсайдери берган маълумотларга кўра, тақдимот келаси ҳафта ўтказилиши мумкин. 

Аввалроқ чипининг тақдимоти шу йилнинг иккинчи йилига кўчирилгани айтилган эди. Бироқ янги хабарларда тақдимот келаси ҳафтада, аниқроғи 20 майда бўлиши айтилмоқда. Шу билан бир қаторда ўша куни яна бир флагман чип Snapdragon 7 Gen1 чипи ҳам эълон қилинади. 

Агар ушбу миш-мишлар тўғри бўлиб чиқса, яқин орада сўнгги Snapdragon чипига эга бўлган смартфонларни ҳам тақдим этиш бошланади. 

Snapdragon 8 Gen1 ва Gen1+ чипларининг фарқи уларнинг GPU қисмида бўлиши кутилмоқда. Янги чип битта 3 гигагертсли Cortex-X2, учта Cortex-A710 ва тўртта Cortex-A510 ядроларига эга. Демак, CPU жиҳатидан янги чипда ҳеч қандай ўзгариш бўлмаган. 

Маълумотларга кўра, Motorola биринчилардан бўлиб ушбу чипни ўзининг Edge X30 смартфонига ўрнатади. 

ЎҚИНГ: Galaxy Z Fold 4 сифатли рендерларда

Хабарларни тез ва осон ўқиш учун Андроид иловамизни сақлаб олинг.