Snapdragon 865 қачон тақдим қилиниши айтилди

Snapdragon 865 қачон тақдим қилиниши айтилди

Кейинги йилги флагманаларга ўрнатилиши керак бўлган навбатдаги Qualcomm чипининг тақдимот вақти ҳам яқинлашиб келмоқда.

Компаниянинг ҳар йили ўтказиладиган Snapdragon Технология Саммити бу йил Гавайи штатининг Мауи оролида 3—5 декабрь кунлари бўлиб ўтиши режаланган.

Snapdragon 865 деб аталувчи кейинги авлод чипи флагманаларга ўрнатилади. Хитойнинг 8848 номли ҳашаматли бренди ўзининг Titanium M6 5G смартфонига мана шу чипни ўрнатишини айтган.

S855 2019 йилги аксарият флагманларга ўрнатилганидек, унинг кейинги авлоди ҳам 2020 йилги премиум смартфонларга қўйилади.

Snapdragon Технология Саммити — 2019'да бизни нималар кутяпти?
Qualcomm'дагилар Snapdragon 865 чипи ҳақида тақдимотдан олдин маълумот бермоқчи эмас. Бироқ компания ўзининг янги чипида саноатда юз бераётган бир неча асосий ўзгаришларни татбиқ қилиши аниқ. IFA 2019 кўргазмасида Huawei ўзининг Kirin 990 5G чипини тақдим қилиб бўлган, шунинг учун, иккиланмасдан айтиш мумкинки, Snapdragon 865'нинг 5G модель интергратисясига эга версияси ҳам бўлади.

Компания 2020 йилдан ўрта тоифа чипларида ҳам 5G бўлишига ваъда берганини ҳисобга олсак, саммитда яна бошқа процессорлар ҳам тақдим қилиниши ҳақидаги хулосага келишимиз мумкин. Агар ростдан ҳам бу тахминимиз тўғри бўлса, маросимда намойиш қилинувчи яна бир маҳсулот шу йили февралда тақдим қилинган Snapdragon X55 чипининг янгиланган талқини бўлиши керак.

Snapdragon 865'га, бундан ташқари, янгиланган Adreno GPU'си ва янги CPU ўрнатилиши керак.

ЎҚИНГ: «Гапирувчи» экранли Galaxy M40 давомчиси – Snapdragon 712 чипли арзон смартфон чиқяпти!

Сайтимизнинг энг чиройли расмларини Инстаграмдаги саҳифамизда томоша қилинг!