Snapdragon 888+ чипига эга vivo X70 Pro+ смартфони тақдим этилди
vivo компанияси ўзининг камерага урғу қаратилган, ZEISS билан ҳамкорликдаги энг сўнгги X серия смартфонларини тақдим этди. Одатдагидек, янги линейка таркибидан учта модель ўрин эгаллаган. Уларнинг энг кучлиси, албатта, X70 Pro+ дир. Смартфон нафақат Snapdragon 888+ чипи билан, балки дисплей, камера ва аккумулятор борасидаги такомиллашувлари билан ҳам ажралиб туради.
ЎҚИНГ: vivo Y33s смартфони чиқди
Айниқса, экран борасидаги ўзгаришлар катта. X70 Pro+ Samsung'нинг 6,78" E5 AMOLED панели билан жиҳозланган бўлиб, 1,440х3,200p резолюцияга эга; HDR қўллаб-қувватланади.
Ушбу янги дисплей LTPO панелдан фойдаланади, бу эса экраннинг янгиланиш частотаси 1Hz'дан 120Hz'гача ўзгариши мумкинлигини кўрсатади. Сенсорли намуна олиш тезлиги эса 300Hz. E5 панель, шунингдек, E4 панелдан 25% кам энергия сарфлайди.
Аккумулятор сиғими ҳам катта — 4,500 мАс. Смартфон 55 ваттда тезкор қувват олади. Янги жорий қилинган симсиз зарядлаш функцияси ҳам деярли шунча тезликка эга — 50 ватт.
Камерага тўхталсак, бу борада сезиларли янгиланиш қилинмаган бўлса-да, камералар имконияти тақсинга лойиқ. Асосий камера Samsung'нинг 59МП GN1 сенсори асосига қурилган бўлиб, 1.2-микрон пикселлар ва f/1.57 апертурали линзага эга. Ультракенг камера эса гимбал стабилизацияси билан жиҳозланган. Мазкур камера 48МП IMX598 сенсори (1/20", 0.8-микрон пиксел) ва 114° линзадан фойдаланади.
Смартфоннинг телефото камерасида 125 мм перископ линза бўлиб, камеранинг диафрагмаси f/3.4, резолюцияси эса 8МПни ташкил қилади. Ушбу камера аввалги авлод виво X60 Pro+ ники билан бир хил. 50 миллиметерлик портрет камерада эса ўзгариш бўлган. Аввалги 32МП ҳамда f/2.1 диафрагма ўрнига 12МП сенсор ва ёрқинроқ f/1.6 диафрагма линзаси ўрнатилган. Барча камераларда оптик тасвир барқарорлиги ҳамда электрон борқарорлик функцияси мавжуд.
Линзаларда ZEISS T* рефлектор қопламаси бор. ZEISS, шунингдек, линзалар учун жиловланиш ва хроматик аберацияни камайтирадиган жуда паст дисперцияли ойнани тақдим этди.
ЎҚИНГ: 5G-смартфонлар бозорида Samsung тўртинчи ўринга тушди. Ундан зўрлари кимлар?
Смартфонга бир хил алгоритмда ишлайдиган чиплардан камроқ энергия сарфлайдиган, такомиллашган сунъий интеллектга эга ҳамда тасвирни қайта ишлаш билан шуғулланувчи V1 чипи ўрнатилагн.
Қурилмадаги яна бир янгилик IP68 стандартининг мавжудлиги. Энди X70 серияси сув ва чангдан ҳимояланган. Анъаналарга содиқ қолган ҳолда, виво смартфоннинг орқа пенелини чарм билан қоплаган. Унинг тўқ сариқ, ҳаворанг ҳамда қора рангли турлари мавжуд.
Смартфондаги чип 8ГБ ёки 12ГБ сиғимли 4 каналли LPDDR5 тезкор хотира ва UFS 3.1 хотираси, 256ГБ ёки 512ГБ доимий хотира билан бирлаштирилган. Учала смартфон Origin OS 1.0 (Android 11'га асосланган) тизимида ишлайди.
vivo X70 Pro+ Хитойда шу ойнинг охирида сотувга чиқарилади. Қурилманинг 8/256ГБ хотира ҳажми версияси 850 доллар, 12/256ГБ версияси 931 доллар, 12/512ГБ версияси 1086 долларни ташкил қилади.
Қурилмани қисқача ўз «укалари» билан таққосласак, vivo X70 Pro Exynos 1080 чипи, 6,56 дюймли, 120Hz ҳамда 1080p+ резолюцияни қўллаб-қувватловчи дисплей, гимбал стабилизацияси билан жиҳозланган 50МП асосий камера, 12МП ультракенг камера, 12МП телефото ҳамда 8МП 5х зум перископ камерага, 44 ватт тезкор қувватланиш имкониятига эга.
X70 эса Dimensity 1200 чипи, 6,56 дюймли, 120Hz ҳамда 1080p+ резолюцияни қўллаб-қувватловчи дисплей, гимбал стабилизация билан жиҳозланган 40МП асосий камера, 12МП ультракенг камера, 12МП телефото камера, 44 ватт тезкор қувватланиш имконияти билан жиҳозланган.
ЎҚИНГ: vivo смартфонлари нархлари билан танишамиз (2021 йил, июль)
