Snapdragon ҳамда Exynos чипига эга бўлган Galaxy S22 Ultra'нинг GeekBench'даги натижалари таққосланди

Samsung яқин кунлар ичида Galaxy S22 сериясини тақдим этади. Маълум бир ҳудудга қараб, смартфонлар Snapdragon 8 Gen1 ҳамда Exynos 2200 чипи билан жиҳозланади. Икки чипга эга бўлган қурилмалар GeekBench тестидан ўтди. 

Таққослаб кўрилган иккала модель ҳам Galaxy S22 Ultra бўлиб, SM-S908U модели Exynos 2200, SM-S908B модели эса Snapdragon 8 Gen1 чипида ишлайди. 

Snapdragon 8 Gen1 чипига эга бўлган модель бир ядроли тестда 1168 балл, Exynos 2200 эса 1226 балл, кўп ядроли тестда Snapdragon модели 3462 балл, Exynos эса 3508 баллни қўлга киритди. 

Шуни таъкидлаш керакки, иккила чип ҳам тўрт нанометрлик жараён асосида яратилган бўлиб, улар 1 та Cortex X2, 3 та Cortex A710 ҳамда 4 та Cortex A510 ядроларига эга. 

Samsung Unpacked тадбири келаси ҳафта бўлиб ўтади. Унда Galaxy S22 серияси билан бир қаторда Galaxy Tab S8 планшетлари ҳам тақдим этилади. 

ЎҚИНГ: Galaxy Tab S8 серияси планшетларининг техник жиҳатлари маълум бўлди