Собиқ президент ваниҳоят ўз ижтимоий тармоғини чиқарди

Собиқ президент ваниҳоят ўз ижтимоий тармоғини чиқарди

Америка Қўшма Штатлари собиқ президенти Доналд Трамп расмий саҳифалари бир нечта ижтимоий тармоқларда блокланганидан кейин, ўтган йили октябрда у ўзининг Truth Social номли ижтимоий тармоғини яратганини маълум қилган эди. 

Truth Social шу кунгача меҳмонлар ва 500 та атрофида бета-тест синовчилари учун очиқ эди холос. Ваниҳоят, бугун App Store иловалар дўконида янги ижтимоий тармоқ юклаб олиш учун очилган ва унга олдиндан буюртма берганлар учун автоматик тарзда юкланган. 

Trump Media & Technology Group компанияси томонидан чиқарилган илова кўпроқ Twitter'га ўхшаб кетади ва унда фойдаланувчилари ўз "ҳақиқатларини" пост қилишлари мумкин бўлади, бироқ "ҳақиқатлар"ни таҳрирлаш хусусияти ҳозирча ишга туширилмаган.

Баъзи фойдаланувчилар иловада аккаунтни рўйхатдан ўтказишда муаммо борлигини ёки "Кўп талаб туфайли сизни кутиш рўйхатига жойлаштирдик" деган хабар билан кутиш рўйхатига қўшилганларини хабар қилишган. 

Маълум бўлишича, Truth Social фақат iOS учун чиқарилган ва ҳеч бўлмаганда Америка учун илованинг тўлиқ тарқатилиши март ойи охиригача белгиланган. 

ЎҚИНГ: АҚШ Хитойнинг энг машҳур иккита иловасини қора рўйхатга киритди

Сайт янгиликларидан доимий хабардор бўлиш учун Телеграм каналимизга қўшилинг!