"Solana Saga" лақабли Osom OV1 смартфони

Essential компанияси собиқ инжинерлари томонидан яратилган Osom компанияси ўтган йилдан буён ўзларининг OV1 номли махфийлик ва хавфсизликка қаратилган Android смартфонларини тақдим қилишни ортга суриб келишаётган эди. Сўнгги хабарларга кўра эса, Solana, таниқли блокчейн компанияси, бир неча кун олдин Ню-Ёркда ўтказилган тадбирда Osom билан ҳамкорлик қилиши ва OV1 смартфонини Saga номига қайта брендлагани маълум бўлди.

Solana бош директори Анатолий Яковенко Saga смартфони билан
Крис Уелч сурати / The Verge

“Osom компанияси Saga смартфонини яратишда Solana билан ҳамкорлик қилишдан жуда хурсанд. Дунё Web3 ни қўллаб-қувватлаш учун янги қурилма компанияларига муҳтож. Ўтмишдаги экотизимларисиз келажакка қаратилган экотизимни яратиш жуда ажойиб", дейди Жейсон Кеатc, Osom асосчиси ва бош директори.

Solana Saga техник хусусиятларига келадиган бўлсак, Android смартфон 6.67 дюймли, 120Hz янгиланиш тезлигига эга OLED дисплейга эга. У 12 GB оператив ва 512 GB доимий хотира билан Qualcomm'нинг Snapdragon 8+ Gen 1 чипсетида ишлайди. Телефон орқасида 50 мегапикселли асосий камераси ва 12 мегапикселли ултра кенг камераси, олдида эса 16 мегапикселли селфи камераси мавжуд. Батареяси эса 4,100 mAh бўлиб, у симсиз зарядланишни қўллаб-қувватлайди.

Saga смартфони Osom шу йил бошида кўрсатган OV1 билан бир хил дизайнга эга.
Крис Уелч сурати / The Verge

Қурилма крипто ҳамёнлар, Web3 ва NFT'лар билан ишлайдиган одамлар учун мўлжалланган бўлиб, у Solana блокчейнига асосланган, марказлаштирилмаган иловаларни қўллаб-қувватлайдиган ноёб хусусиятга эга. Унинг блокчейн билан чамбарчас интеграцияланган хусусиятлари Web3 да транзаксияларни осон ва хавфсиз қилиш, ҳамда, токенлар ва NFT'лар каби рақамли активларни бошқариш имконини беради.

Web3 га қаратилган ушбу крипто-смартфон $1000 нархга баҳоланган ва унинг учун аллақачон олдиндан буюртма бериш бошланган. Solana компанияси берган маълумотларга кўра Saga флагман смартфонини 2023 йил биринчи чорагидан бошлаб етказиб бериш бошланади.

ЎҚИНГ: Huawei ҳам ўзининг янги смартфонини тақдим этди

Terabayt.uz сайтининг видеолари: Youtube'даги каналимизда!