Sony Experia XZ2 ва XZ2 Compact 'қувват етиши бўйича қирол’ деб эълон қилинди

Sony Experia XZ2 ва XZ2 Compact 'қувват етиши бўйича қирол’ деб эълон қилинди

Турли ишлаб чиқарувчилар маҳсулотларининг самарадорлигини ўрганувчи Strategy Analytics компанияси Sony'нинг сўрови билан бозорнинг премиум тоифадаги етакчи смартфонларининг батарея қуввати қанчалик узоққа етишини синаб кўрди.

Ўзаро таққослаш учун қуйидаги смартфонлар танлаб олинди: Sony Experia XZ2, Sony Experia XZ2 Compact, LG G6, Apple iPhone X, Huawei P10, Samsung Galaxy S9 ва Oppo R11.

Бир қанча тестлардан сўнг якуний натижа қуйидагича кўриниш олди:

1-ўрин: Sony Experia XZ2

2-ўрин: Sony Experia XZ2 Compact

3-ўрин: LG G6

 

Apple iPhone X LG G6'дан атиги бир неча паст кўрсаткич билан 4-ўринни эгаллади.

Ўрганилаётган смартфонлар қуйидаги тартибда тест қилиб борилди: улар суткасига 16 соат давомида ишлатилди ва бу вақт ичида кириш/чиқиш қўнғироқлари, СМСлар, интернетга кириш, ижтимоий тармоқлардан фойдаланиш, ўйинлар, камера орқали сурат/видеога олиш ҳамда мусиқа тинглаш функциялари қўлланилди. Орқа фонда ишлайдиган иловалар фаолияти тўхтатиб қўйилмади. Экран ёруғлиги ўртача меъёрга созланди, қурилманинг овози максимумга кўтариб қўйилди. Қолган созламалар эса стандарт ҳолида қолдирилди.

Ўзаро таққосланаётган смартфонлар борасида ўқувчида савол туғилиши мумкин. Нега «бозорнинг премиум тоифадаги энг етакчи смартфонлари» деб туриб,янгироқ ва кучлироқ LG V30 ўрнига LG G6 танланди, Huawei Mate10 ўрнига эса Huawei P10? Сабаби LG G6 ва Huawei P10'нинг иккиси ҳам Sony Experia XZ2 дан олдин сотувга чиқарилган. Бундан ташқари каттароқ ҳажмдаги батареяга эга «Plus» талқини ўрнига Samsung Galaxy S9 ва Oppo R11'нинг оддий талқинлари синовларга танлаб олинди.

Хабарларни тез ва осон ўқиш учун Андроид иловамизни сақлаб олинг.