Sony компанияси ўйинбоп смартфонни тақдим этди

Sony компанияси ўйинбоп смартфонни тақдим этди

Sony кеча ўзининг Xperia 1 IV учун совутиш тизими ва тўртта қўшимча портга эга янги ўйин аксессуарларини тақдим этди. Бундан ташқари, компания 16ГБ тезкор, 512ГБ доимий хотирага эга янги Xperia IV Gaming Edition смартфонини ҳам эълон қилди.

Ўйин учун мўлжалланган янги смартфон дизайн ҳамда техник кўрсаткичлар бўйича оддий Xperia IV моделидан умуман фарқ қилмайди. Қурилма 120 гертс частотада ишловчи 4K резолюциядаги 6.5 дюймли OLED дисплей, Snapdragon 8 Gen1 чипи ҳамда 5,000 мАс сиғимли аккумулятор билан жиҳозланган. 

Xperia IV Gaming Edition смартфонини сотиб олган харидорларга Xperia Stream аксессуари совға сифатида қўшиб берилади. 

Смартфон Японияда 15 сентябрь санасида расман сотувга чиқади. Унинг нархи 1225 долларни ташкил қилади. Ҳозирча қурилманинг халқаро бозорга сотувга чиқиши номаълум. 

ЎҚИНГ: OnePlus 11 Pro сифатли рендерларда тарқатилди