Sony ўзининг Gran Turismo пойга ўйини филм адаптациясининг илк трейлерини чиқарди
Консол, компютер ёки телефонда бўладими, пойга ўйинлари барчага ёқади. Улар чарчоғингизни чиқариш билан бирга ўзига хос адреналин беради, лекин ҳеч эшитганмисиз – ана шундай пойга ўйинлари ортидан ҳақиқий пойгачи бўлиб кетганлар ҳақида? Эҳтимол, Sony томонидан шу ёзда чиқарилиши кутилаётган Gran Turismo ўйини адаптациясида бунга гувоҳ бўласиз.
Sony Pictures Entertainment ёхуд Sony компанияси ўзининг яна бир PlayStation ўйинларидан бири – "Gran Turismo"ни филмга айлантирмоқда. Бу худди шу ном остидаги пойга симулатори ўйинлари серияси, ҳамда, уларни шу қадар яхши ўйнаш қобилятига эга бўлган ва охир-оқибат ўзи ҳам ҳақиқий пойгачига айланган ўсмир Жанн Марденборо ҳаётига асосланган.
Gran Turismo (GT) – Polyphony Digital томонидан PlayStation учун ишлаб чиқилган пойга симулатори ўйинлари серияси бўлиб, у 1997 йилдан бери Sony томонидан тақдим қилиб келинади. Ҳозиргача унинг 8 та асосий версиялари чиқарилган бўлиб, шу кунга қадар улар 90 миллион нусхадан кўп сотилган.
Кеча Sony янги филмнинг тизерини чиқарганида унинг трейлери эртага, яъни бугун чиқарилиши айтган эди ва ваъдага мувофиқ бир неча соат аввал Gran Turismo филмининг илк трейлери намойиш қилинди.
Филм ўзининг District 9 филми учун Socar ва бошқа кўплаб мукофотларни қўлга киритган Неилл Бломкамп режиссёрлигида суратга олинган бўлиб, унда асосий қаҳрамон, Жанн Марденборо роли Арчи Мадекве томонидан ижро этилади.
Аслида Gran Turismo филми ишлаб чиқарилиши 2013 йилда бошланган эди. 2015 йилга келиб филм Жозеф Косински режиссёрлигида суратга олиниши керак бўлган, бироқ 2018 йилгача филмдан дарак бўлмаган. 2022 йилнинг май ойи охирида эса Gran Turismo филми ишлаб чиқилаётганлиги маълум бўлди ва бу июн ойида расман тасдиқланди. Филмнинг суратга олиш ишлари ўтган йилнинг ноябр ойида бошланди ва ўша йилнинг декабрида якунланди.
Тҳис ис нот а гаме. 🏎️ #ГранТурисмоМовие ис эхcлусивелй ин тҳеатерс Аугуст. пиc.твиттер.cом/АВ01жЗВфл5
— Gran Turismo (@грантурисмо) Май 2, 2023
Gran Turismo филми расман келаётган жорий йилнинг 11 август санасида кинотеатрларга чиқарилиши кутилмоқда.
