Sony PlayStation тарихий рекорд ўрнатиб, Гиннесс китобига кирди!
Япониялик етакчи техногигант ўзининг PlayStation 5 ўйин консолини тайёрлаётганидан хабарингиз бор. Унинг бунгача тақдим этилган приставкалари эса дунё бўйлаб яхши сотилмоқда.
ЎҚИНГ: PlayStation 5 ва янги геймпадни илк бор «жонли» расмда кўрамиз!
Жумладан, жорий йилда Sony PlayStation 4 приставкаси ўзининг «аждод»и – PS1 моделини қувиб ўтиб, тарихдаги иккинчи энг оммабоп хонадон ўйин консоли бўлди. Жаҳонда энг кўп сотилгани ҳам шу компания маҳсулоти – PlayStation 2 ҳисобланади.
Энди эса Sony янги маълумотни тарқатди: PlayStation тарихдаги энг кўп сотилган хонадон ўйин приставкалари бренди сифатида қайд этилибди. Жорий йилнинг 7 ноябри ҳолатига кўра, 450 миллиондан ошиқ PlayStation консоллари сотилган ва бу ютуқ Гиннесснинг рекордлар китобига расман киритилган.
PlayStation 5 ҳали келаси йилнинг охирларида савдога чиқарилишини Sony расман тасдиқлаган. Унгача эса Terashop.uz интернет-дўконимиздан турли ўйин приставкаларини 2 870 000 сўмдан бошланувчи нархларда харид қилиш имкони мавжуд.