Sony тақдим этган «ақлли» тасмача ҳатто Apple Watch’дан ҳам қиммат!
Смарт-соатларнинг кўплаб функцияларини тасмачага ўтказиш амалиёти аллақачон қўллана бошлаган. Бунақа ёндашув замонавий функцияларни ҳар қандай қўл соатига ўтказиш имконини беради.
ЎҚИНГ: Эркаклар тасмаси телефонни зарядлайди
Sony компанияси турли тақилувчи гаджетлар учун Wena русумли «ақлли» тасмачани тақдим этди. Унга жуда кўплаб функциялар жорий этилган: контактсиз тўловлар учун NFC модули бор, юрак частотасини ўлчовчи датчик ўрнатилган. Сунъий йўлдош орқали жойлашувни аниқловчи GPS модулига эга, организм фаоллигини кузатиб боради. Яна смартфондан келувчи билдиришномаларни акс эттирувчи экранчаси ҳам бор. Умуман олганда, бу тўлақонли фитнес-трекер вазифаларига эга тасмачадир.
Wena смарт-тасмачаси 20 миллиметрлик узунликда, аммо 18, 20 ва 22 миллиметрлик қисқичларга ҳам мос тушади. Айни пайтда у икки версияда таклиф этилмоқда: резинадан ишланган Wena Wrist Active ҳамда металлдан қилинган Wena Wrist Pro. Ҳар иккаласи ҳам 5 атмосфера босимигача сувдан ҳимояланган ва аккумуляторининг қуввати нақ ярим йилга етади.
Sony Wena смарт-тасмачасини ҳозирча фақат Буюк Британияда, ўзиям 450-500 АҚШ долларига тенг нархда сотувга чиқаришган.
ЎҚИНГ: Nubia қайишқоқ дисплейли илк «ақлли» соат-смартфонни тайёрлади
