Sony янги қулоқчин рекламасида 2022 йилги флагман смартфонини кўрсатди (учта видео)
Илғор япон компанияси ўтган ҳафтада буткул симсиз Sony WF-1000XM4 қулоқчинини тақдим этган. Ишлаб чиқарувчи унинг расмий дебютига бағишлаб бир нечта реклама видеороликларини ҳам эълон қилган.
ЎҚИНГ: Суратга олиш, ўйин ва мусиқага мўлжалланган Sony Xperia 5 II флагмани тақдим этилди
Ушбу рекламаларда Sony ҳали расман намойиш этмаган телефон акс эттирилган. Орқа томонидан у жорий йилнинг апрелида энг оммабоп смартфонлар рейтингига кирган Sony Xperia 1 III моделига ўхшаб кетади:
Бироқ эътибор берсангиз – рекламадаги смартфоннинг олд юзасида селфи-камера йўқ:
Шунга кўра, Sony ушбу флагманида экраности камера технологиясини қўллайдиган кўринади.
Тахминларга кўра, бу – келаси йил тақдим этиладиган Sony Xperia 1 IV флагмани бўлади. Бироқ компания шунчаки рекламада чиройли кўриниши учун видеотаҳрирда Sony Xperia 1 III модели дисплейидан олд камерани олиб ташлаган бўлиши ҳам мумкин.