Соврин жамғармаси 100 000 долларлик танловга марҳамат!

Ўзбекистон Республикаси Ахборот технологиялари ва коммуникацияларини ривожлантириш вазирлиги ва IT-Парк томонидан янги республика танлови эълон қилинган. Бу – давлат хизматлари учун энг яхши мобил иловаларни ишлаб чиқиш бўйича «mGovAward» танловидир.

ЎҚИНГ: «One million Uzbek Coders» лойиҳасига старт берилди

Мазкур танлов Бирлашган Араб Амирликларидан бўлган ҳамкорлар билан биргаликда ташкил этилмоқда, дейилади хабарда.

Иштирокчилар 5 йўналиш бўйича ўз кучларини синаб кўришлари мумкин:

1. Таълим;
2. Соғлиқни сақлаш;
3. Туризм;
4. Транспорт ва логистика;
5. Бизнес ва G2B.

Танловнинг мукофот жамғармаси 100 000 АҚШ долларини ташкил этади, шундан:

Биринчи ўринга – 50.000$

Иккинчи ўринга – 30.000$

Учинчи ўринга – 20.000$ аталган.

Шошилинг, аризаларни қабул қилиш 2020 йилнинг 15 январигача давом этади! Ариза қолдириш учун мана бу ҳавола орқали ўтишингиз мумкин.

Бу борада қўшимча маълумотларни эса https://it-park.uz/ru/mgovaward-ru/ ҳаволаси орқали оласиз.

ЎҚИНГ: IT-Парк стартапи Швейцарияда 500 000 долларлик инвестиция учун курашади