SpaceX икки марта учирилган ягона ракета – Falcon 9’ни яна фазога йўлламоқда
Фазовий парвоз техникалари ва технологиялари ишлаб чиқишга ихтисослашган SpaceX компанияси Falcon 9 ракетасини илк бор ўтган йилнинг бошида учирганди. Кейинроқ – 31 март куни у яна кўкка парвоз этди; бу эса илк бора битта ракетанинг иккинчи марта фазога чиқарилиши эди.
ЎҚИНГ: SpaceX тарихда илк бор 1 ракетани 2 марта фазога учиришга эришди
Энди эса Falcon 9 ракетаси ўз рекордини янгилаш арафасида турибди – SpaceX уни яна фазо сари йўлга тайёрламоқда. Нафақат Илон Маскнинг ушбу компанияси, балки умуман космонавтика соҳасидаги оламшумул воқеа бўлиши кутилаётган мазкур парвоз жорий йилнинг 19 ноябрида амалга оширилади.
Навбатдаги парвозда янада кўпроқ учиришлар учун оптимизациялаштирилган Block 5 версияси қўлланади. SpaceX компанияси аллақачон Falcon 9 ракетасининг шундай версиясидан бир нечта намунасини икки мартадан учирган. Шулардан бири кейинги ойда учинчи бора фазони кўриб келади.
SpaceX’нинг «иштаҳаси» чакки эмас – у Block 5 версиясидаги Falcon 9 ракетасининг парвозлари сонини ўнтагача етказмоқчи. Бунга эса камида икки-уч йил вақт керак бўлади.
ЎҚИНГ: Бойнинг кўнгли Ойда: SpaceX’нинг илк сайёҳи – япониялик миллиардер! (+видео)
