SpaceX'нинг дунёдаги энг катта ва кучли Starship ракетаси учирилишини қандай томоша қилиш мумкин?

SpaceX'нинг дунёдаги энг катта ва кучли Starship ракетаси учирилишини қандай томоша қилиш мумкин?

Илон Маскнинг одамларни Марсга юбориш режаси унинг Starship, қайта фойдаланиш мумкин бўлган янги авлод космик кемасининг ишлаб чиқарилиши билан узлуксиз боғлиқ ҳисобланади ва бир неча марталик фантастик омадсизликлар билан бирга ажойиб муваффақиятлардан сўнг, ниҳоят, SpaceX'нинг дунёдаги энг катта ракетаси ўзининг илк парвози учун тайёр. Бугун, 17 апрел куни миллиардернинг космик компанияси Super Heavy билан тўлиқ интеграциялаштирилган Starship само кемасини орбитага синов тариқасида учириш ниятида.

Маълум бўлишича, Starship'нинг экипажсиз илк орбитавий парвози АҚШнинг Техас штатидаги Starbase космодромидан Тошкент вақти билан 18:00 да учирилади. Космик кема парвозини сиз SpaceX'нинг расмий YouTube саҳифасида томоша қилишингиз мумкин бўлади. Жонли эфир ракета парвозидан 45 дақиқа аввал бошланади. Бутун миссия таҳминан 90 дақиқада якунланади.

Агар барчаси режадагидек кетадиган бўлса, Starship ракетаси учирилганидан бир неча дақиқа ўтиб ўзининг Super Heavy бустер қисмидан ажралади ва орбитага парвоз қилишда давом этади. Super Heavy эса Гавайи ороллари яқинидаги Тинч Океани қирғоқларига тушади. Starship эса орбитага сафарини якунлагандан кейин Мексика кўрфазига тушади.

Илон Маск ўзининг Twitter'даги Spaces сессиясида парвоз амалга оширилиши "мумкин"лигини ва агар SpaceX бирон ташвишли нарса топадиган бўлса, парвоз қолдирилишини таъкидлаган эди (Digital Trends орқали).

"Биласизми, бу поезднинг станциядан аниқ 9:03 да жўнаб кетишига ўхшаш нарса эмас.", дейди Маск. Миллиардернинг қўшимча қилишича, Super Heavy бустери 33 та Raptor двигателлари билан жиҳозланган ва улар ракета ишга туширилишида ≈7711 тонналик ердан итаришни пайдо қилади. "Агар уларнинг бири нотўғри кетиб қоладиган бўлса, бу бир қути гранаталарга ўхшайди. Жуда катта гранаталар."

Маълумот учун: SpaceX'нинг Starship космик кемаси ва Super Heavy ракетаси (бу иккаласи биргаликда Starship деб аталади) экипаж ва тонналаб юкларни Ер орбитасига, Ойга, Марсга ва ундан узоққа олиб чиқиш учун мўлжалланган тўлиқ қайта фойдаланиш мумкин бўлган транспорт тизимидир. Таъкидлаш жоизки, Starship дунёдаги энг катта (120 метер бўйига, 9 метр энига) ракета ҳисобланади ва у 100 тагача одамлар билан сайёралараро парвозларни амалга ошира олади.