Speedtest: интернет тезлиги глобал индекси билан танишинг (2019 йил, декабрь)

Speedtest: интернет тезлиги глобал индекси билан танишинг (2019 йил, декабрь)

Speedtest.net сайти бутун дунё мамлакатларининг мобил ва кенг полосали интернети тезлиги бўйича ўз ҳисоботларини даврий равишда эълон қилади.Сайтда ўтган йилнинг декабрь ойи индекси эълон қилинди. Унга кўра, Жанубий Корея аҳолиси энг тезкор мобил интернетга эга. Мамлакатда тармоқдан юклашнинг ўртача тезлиги 103,18 Мбит/секундни ташкил этган; Корея бундан олдинги индексда ҳам биринчи ўринда эди.

Топ учталикдаги кейинги ўринларни БАА ва Қатар эгаллаб турибди. Араб давлатларининг мобил интернетидан фойдаланиб сониясига мос равишда 86,77 ва 79,21 Мбит ҳажмли маълумот юклаш мумкин.

Энг тезкор интернетга эга мамлакатлар ўнталигига Канада, Хитой, Австралия, Нидерландия, Норвегия, Булгария ҳамда Хорватия кирган. Топ ўнталикдаги энг қуйи кўрсаткич 61,54 Мбит/секунд бўлган.

Франция, АҚШ, Италия, Германия ва Буюк Британия эса мос равишда 29-, 36-, 43-, 46- ва 48-ўринларни эгаллаган.

МДҲ давлатлари орасида эса Озарбайжон 32,66 Мбит/секунд билан 59-ўринда турган бўлса, Россиянинг 20,58 Мбит/секунд тезлиги 96-ўринни банд этган. Қўшни давлатлардан Қозоғистон (19,59 Мбит/сек) 101-ўрин, Қирғизистон (16,17 Мбит/сек) 111-ўрин, Тожикистон (10,30 Мбит/сек) эса 132-ўринда турибди.

9,51 Мбит/секунд тезликдаги мобил интернетга эга Ўзбекистон эса икки поғона юқорилаб, 134-ўринни банд этган.

 

9,51 Мбит/секунд тезликдаги мобил интернетга эга Ўзбекистон эса икки поғона юқорилаб, 134-ўринни банд этган. 140 та давлатдан ташкил топган ушбу рўйхатда Ўзбекистон Руанда, Судан, Венесуэла, Жазоир, Афғонистон ва Фаластиндангина олдинда холос ва энг сўнгги “топ“ ўнталикка кирган.

Маълумот учун, Лаос 72-, Сенегал 84-, Кеня 95-, Сурия 99-, Мўғулистон 100-, Нигерия 115-, Намибия 119-, Бангладеш 130-ўринлардан жой олган.

Шундай қилиб, бутун дунё бўйича тармоқдан юклашнинг ўртача тезлиги 32,01 Мбит/секунд, тармоққа юклаш тезлиги эса 12,02 сонияни ташкил этган.Кенг полосали интернет тезлиги бўйича эса Сингапур 200,12 Мбит/секунд тезлик билан биринчи, Ўзбекистон эса 22,49 Мбит/секунд тезлик билан 108-ўринда турибди. Симли интернети энг секин —1,71 Мбит/секунд — бўлган Туркманистон эса рўйхатни якунлаган.

ЎҚИНГ: Мана, 5G тармоқларининг биринчи ва ҳақиқий хавфи!

Сайтимизнинг энг чиройли расмларини Инстаграмдаги саҳифамизда томоша қилинг!