Speedtest: Пандемия пайтида Ўзбекистонда интернет тезлиги дунёдагига кўра кўпроқ ошди

Аввалроқ Ookla компаниясининг Speedtest.net сервиси 2020 йил 1 июнь ҳолатига кўра коронавирус пандемиясининг интернет тезлигига таъсирини эълон қилган эди. Энди эса у йилнинг иккинчи ярми ҳолатига кўра вазиятни маълум қилди, деб ёзади АКТ вазирлиги.

ЎҚИНГ: Энди шиддатли интернет ва уй телефони – иккитаси биттада!

Сервиснинг натижаларига кўра, Ўзбекистонда симли интернет (Fixed Speed Change) тезлиги 8 фоизга, мобил интернет тезлиги эса 16 фоизга (Mobile Speed Change) кўтарилган.

Айтиш керакки, юртимизда ҳар икки йўналишдаги интернет тезлиги ўсиши жаҳон миқёсидагига нисбатан юқорироқ эканлиги кузатилади. Зеро, пандемия шароитида июнь ҳолатига кўра дунё миқёсида симли интернет тезлиги 2 фоизга, глобал мобил интернет тезлиги эса 8 фоизга кўтарилган.

Таъкидлаш керакки, Ўзбекистонда охирги бир йилда интернет тезлиги бўйича ижобий ўзгаришлар амалга оширилди. Таҳлилларга кўра, интернет тезлиги қарийб 2,3 бараварга ўсган. 2019 йил март ҳолатига кўра 11,62 Мбит/сония бўлган бўлса, 2020 йил 1 июнь ҳолатига кўра 26,77 Мбит/сонияни ташкил этди. 2020 йил 15 июнь ҳолатига кўра эса Ўзбекистонда интернет тезлиги 27,59 Мбит/сониягача кўтарилди.

ЎҚИНГ: 10 йилда интернет тезлиги қанча ошди ва Ўзбекистондаги ҳолат қандай? (Speedtest рейтинги)