Spotify обуначилари сони 299 миллионга етди
Spotify 2020 йилнинг иккинчи чораги учун молиявий ҳисоботини тақдим қилди ва унга кўра, швед стриминг хизматининг ойлик фаол фойдаланувчилари сони 299 миллионга етди.
Бу эса ўтган йилнинг мос даврига нисбатан 29% лик, жорий йилнинг биринчи чорагига нисбатан эса 5% лик ўсиш демакдир.
Премиум обуначилардан келадиган даромад ҳам ошди. Шимолий Америкада ўсиш кўрсаткичлари кутилганидан яхшироқ бўлди, ҳам обуначилар сони, ҳам даромад миқдори 2019 йилдан буён барқарор равишда ўсиб келмоқда.
Фойдаланувчилар сони (миллион) | 2019 йил иккинчи чораги | 2020 йил биринчи чораги | 2020 йил иккинчи чораги |
Ойлик фаол фойдаланувчилар умумий сони | 232 | 286 | 299 |
Премиум обуначилар | 108 | 130 | 138 |
Бепул фойдаланувчилар | 129 | 163 | 170 |
Ҳиндистонда ҳам кутилганидан яхшироқ натижалар қайд этилди. Бунга сабаб маркетинг кампаниялари қилиб кўрсатилмоқда. Лотин Америкаси ва дунёнинг бошқа мамлакатларида йиллик ўсиш кўрсаткичлари мос равишда 33% ва 58% бўлди.
ЎҚИНГ: Spotify Россия, Қозоғистон ва яна бир қатор давлатларга кириб келди