«Сталин марсликларга қарши 4» – нақ Кремлдан чиққан кибер-ўйин! (+видео)
Dreamlore Games ўйин студияси 2009 йили «Сталин марсликларга қарши» номли антиқа маҳсулотини тақдим этган эди. Уни геймерлар ва таҳлилчилар турлича, ҳатто бир-бирига зид муносабатлар билан қарши олишган.
ЎҚИНГ: Хитой қонли ва ғоявий жиҳатдан нотўғри ўйинларни тақиқлаяпти
Кейинчалик Dreamlore Games студиясининг ўзи ҳам йўқликка юз тутди – уни KREMLINCORP Entertainment GmbH компанияси ўзига қўшиб олди. Ўзининг таъкидлашича, бу компания қаерлардадир Кремлнинг ўзида жойлашган!
Хулласи калом, кремллик ушбу компания юқоридаги маҳсулотнинг янги талқини – «Сталин марсликларга қарши 4» ўйинини эълон қилди. Мана, унга бағишлаб тайёрланган видеолавҳани томоша қилинг:
«Stalin vs. Martians 4» ўйини – изометрик шутер бўлиб, унда «сизни нимагадир ўргатувчи» сюжетга эътибор берилган. Дастурчиларнинг маълум қилишича, у «Katamari Damacy ўйинига ўхшаш, фақат унинг тескариси».
Хабарда «Сталин марсликларга қарши 4» ўйини келаси йили тақдим этилиши айтилган. Тахминларга кўра, Кремлдаги дастурчилар уни компьютерларда ўйнашга мўлжаллашган.
ЎҚИНГ: Павел Дуров: Кремл билан жанг, саргардон умр, Telegram ва қиймати ошаётган биткойнлари
