Стив Возняк ўз биткоинларини сотган эмас, ўғирлатган экан!
Ҳозирда хорижда криптовалюта – рақамли пул жуда авж олганидан хабарингиз бор. Унинг турлари кўп, энг машҳури – биткоиннинг нархи «ўйнаб» турганини ҳам эшитгансиз. Apple ҳаммуассиси Стив Возняк ҳам шу валютадан олиб, кейинчалик фойдасига сотганини маълум қилган эди.
ЎҚИНГ: Стив Возняк барча биткоинларини нега сотганини айтди
Лекин Нью-Деҳли шаҳрида бўлиб ўтган Global Business Summit тадбирида ўзининг тан олиб айтишича, Стив Возняк бу биткоинлари эвазига пул ола билмаган.
Маълум бўлишича, Возняк бу савдода фирибгарга дуч келган экан. Устаси фаранг фирибгар Стивнинг барча биткоинларини харид қилган, бунда тўловни кредит картаси орқали амалга оширган. Кейин эса негадир тўловни бекор қилиб, ўз маблағини қайтариб олган. Лекин криптовалютани ҳам ўзида қолдирган – блокчейн тармоғининг хусусиятларига кўра, ўтказмани бекор қилиш имкони йўқ. Унинг банк картаси ҳам ўғирланган бўлиб чиққан, шу боис фирибгарни топиш имкони бўлмаган. Натижада Стив Возняк биткоинларидан ажралиб қолаверган.
ЎҚИНГ: Bitcoin.com асосчиси барча биткоинларини сотди. Эртак тугаяптими?
Айтиш керакки, Возняк ўзи блокчейн технологиясини «хом» деб ҳисоблайди. Айримлар уни критоптовалюта эгаларини ишончли ҳимоялайди, деб ўйласа-да, аслида ундай эмас. Агарда фирибгарларнинг хатти-ҳаракатлари сабабли рақамли тангалар бошқа ҳисобга ўтиб кетса, амалга оширилган транзакцияни бекор қилиш имкони йўқ.
ЎҚИНГ: Дуров криптовалюта чиқариб, Telegram фойдаланувчиларини ҳам миллионерга айлантирмоқчи (+видео)
