Стив Вознякнинг криптовалюта лойиҳаси барбод бўлди
Apple асосчиларидан бири Стив Возняк анчадан буён криптовалютага жиддий қизиқиш билдириб келади. Айни пайтда у Equi Capital лойиҳаси устида иш олиб бормоқда. Ушбу стартап Ethereum токенларини чиқариш билан шуғулланади. Бу лойиҳа инвестицияларни жалб қилишни янада осонлаштириши керак эди. Энди Стив барчани лойиҳада иштирок этишга чақирмоқда. Унинг баёнот беришича, лойиҳа иштирокчилари нафақат криптовалюта сотиб олади, балки компаниянинг акциядорига ҳам айланади.
ЎҚИНГ:Стив Возняк ўз биткоинларини сотган эмас, ўғирлатган экан!
Кутилишича, Equi Capital даромадли корхонани экспертизадан ўтказади, сўнгра унга Equi токенлари ҳисобига шаклланган капиталларни жалб қилади. Криптовалюта харидорлари муваффақиятли инвестициясидан нафақат даромад олиш имкониятига эга бўлади, балки криптовалютага эгалик қилиб, беш фоизлик йиллик фойда ҳам олади. Афсуски ушбу ишнинг яхши томонлари шу ерда тугайди ва ҳақиқий муаммоси шундан кейин намоён бўлади.
Мазкур лойиҳада токенлар савдоси ҳисобига 7 миллион доллардан зиёд маблағ тўпланди, аммо шундан кейин у омма учун ҳам очилгач, нимагадир лойиҳага қизиқиш сусайиб кетди ва кўзланган мақсад амалга ошмай қолди. Хуллас, ICO лойиҳаси бекор қилинди, пуллар инвесторларга қайтарилди. Лойиҳа ишлаб чиқарувчилари бонуслар дастурига (bounty), мурожаат қилишди ва натижада у ҳам жанжал билан якун топди.
