Сунъий интеллект устида ишлаётган жаҳондаги ўн компания

Сунъий интеллект устида ишлаётган жаҳондаги ўн компания

Сунъий интеллект ҳар қадамимизда учрайди. Ҳозирда смартфондан тортиб автомобилгача сунъий интеллект билан таъминланмоқда. Кўплаб жаҳонга таниқли компаниялар “ақлли машина” яратиш йўлида изланаётибди. Қуйида сунъий интеллект яратаётган ўн компанияни эътиборингизга ҳавола этамиз.

1.Numenta

2011 йилдан бери мавжуд, аммо бирор янгилик яратганлиги хусусида дарак йўқ. Яқинда IBM компанияси Numenta изланишларига ҳомийлик қилишини эълон қилди. Компания қишлоқ хўжалиги экинлари майдонини космосдан туриб ўрганади.

2.Scaled Inference

Бу жамоа Googleнинг собиқ ходимларидан ташкил топган. Яқинда хизмат кўрсатиш ва дастурий иловалар мавзуидаги сунъий интеллект яратиш лойиҳаси қисқа муддатда 8 млн доллар инвестиция тўплади.

3.Amazon

Бу компания савдо мақсадида интернетдан фойдаланишни бошлаб берган илк қалдирғочлардан. Ҳозир дунё миқёсида фаолият юритаётган онлайн-тижорат маркази саналади. Муваффақиятли тижорат юритиш, савдони тез таҳлил этиш ва тушумни ошириш мақсадида корпорация инженерлари сунъий интеллект ишлаб чиқарган.

4.Nuance

АҚШда анча йиллардан бери фаолият юритмоқда. Нутқи ва эшитишида нуқсони бор кишилар учун сунъий интеллект яратиш йўлида изланади. Унинг дастури инсон нутқини англаш ва жонли тарзда қайта тиклашга қаратилган.

5.Henson robotics

Ушбу компания росмана роботлар яратиш йўлида изланади. 2002 йилда Канада кўргазмасида ихтироларини намойиш қилган. 2005 йилда эса Эйнштейнга қиёфадош роботини ясаган. Хэнсон Эйнштейннинг эластик юзини яратган, кореялик олимлар эса роботнинг ҳаракатланувчи танасини ишлаб чиққан. Ҳозирда компаниянинг энг машҳур роботи номи Ham. У инсон мимикасини кўчира олади.

6.Microsoft

Сунъий интеллектга эга ақлли ёрдамчилар яратиш учун изланиш олиб бормоқда. Охирги лойиҳаси номи – “Эйнштейн” деб аталади. Бу Google new ёки Apple Siriга ўхшаш янгилик бўлади.

7.Facebook

Бу компания сунъий интеллект ёрдамида ижтимоий тармоқлардаги реклама бўйича ўзгариш ясамоқчи. Шунингдек, зўравонлик акс этган видеоларни аниқлаш ва спамни элакдан ўтказиш технологиялари устида ишламоқда.

8.Apple

“Тишланган олма” компаниясининг телефон ва бошқа қурилмалари аллақачон сунъий интеллектга эга бўлган. Компания ҳозир Siri лойиҳаси устида ишлаяпти. Бу iOS тизими учун ишланган савол-жавоб тизими бўлиб, смартфон эгасининг овозини танийди ва саволга яраша жавоб беради.

9.Google

Ҳозир гуглчилар оддий мавзуларда бўлса-да савол-жавоб қила оладиган машина яратишга енг шимарган. Сунъий интеллектли суҳбатдош номини, қаерда ва қачон дунёга келганини айта олади, кинофильм субтитрларини “ўқиб” ахборотни энг содда тарзда қабул қилади, аммо маълумот узатилишида изчиллик йўқлиги унинг камчилигидир.

10.IBM

IBM биринчилардан бўлиб сунъий интеллект яратишга киришган улкан компаниялардандир. Қолаверса, сунъий интеллект яратаётган компанияларни молиявий жиҳатдан қўллаб туради.

Сунъий интеллект мавзуидаги видеороликни томоша қилинг.

Сайт янгиликларидан доимий хабардор бўлиш учун Телеграм каналимизга қўшилинг!