Сунъий интеллект янгиликларига бой Google I/О – билишингиз керак бўлган барчаси!

Кеча, 10 май куни Тошкент вақти билан 22:00 да анъанавий Google I/О тадбирининг 2023 йилги бўлиб ўтди. Икки соат давом этган тадбир Google'нинг сунъий интеллект билан боғлиқ бир дунё янгиликлари билан бошланди. Уларнинг асосийлари билан қуйида танишишингиз мумкин.

Gmail энди сиз учун хабар ёзади!

Google'нинг Gmail электрон почта хизмати аллақачондан бери хабарлар ёзишда қисқа жавоблар ёки кейинги сўзларни таклиф қилиш билан катта ёрдам бериб келади. Эндиликда ривожланган сунъий интеллект технологияси билан у янада "кучаймоқда" – энди Gmail сизга бутун бошли хабарни ёзиб бера олади.

"Help me write", яъни "Ёзишга ёрдам бер" деб номланадиган ушбу функция худди ChatGPT каби ишлайди ёхуд унга нима ҳақида хабар ёзиш керакли ҳақида қисқа таклиф берсангиз у сизга тўлиқ эмаил хабарни ёзиб беради. Ушбу янги функция айнан қачондан барча фойдаланишга топширилиши номаълум, лекин у тез орада чиқарилиши айтилди.

Google Maps харитаси энди жойларни "қуш кўзи билан" кўра оласиз

Сундар Пичаи, Google раҳбари, Maps хариталар иловасидаги "Immersive View" функциясининг маршрутлар учун кенгаяётганини эълон қилди. Бунда сиз ўзингиз белгилаган маршрутни виртуал тазрда 3D кўринишида "қуш кўзи билан" ёхуд юқоридан кўришингиз мумкин бўлади.

Афсуски, ушбу фақат маълум шаҳарлар – Амстердам, Берлин, Дублин, Флоренция, Лас-Вегас, Лондон, Лос-Анжелес, Маями, Нью-Йорк, Париж, Сан-Франциско, Сиетл, Токио ва Венеция учун мавжуд бўлади. У йил охиригача ишга туширилиши кутилмоқда.

Google'нинг ChatGPT рақобатчиси энди ҳамма учун очиқ

Конференция давомида Google'нинг матнлар яратиб берувчи Bard сунъий интеллект чатботидан фойдаланишда кутишлар рўйхатини олиб ташлагани эълон қилинди, яъни Bard энди ҳамма учун очиқ, шу қаторда Ўзбекистон учун ҳам.

Ундан сиз https://bard.google.com/ орқали фойдаланишингиз мумкин. Таъкидлаш жоизки, у ҳали ҳам бета версияда.

Google Photos яна янги сунъий интеллект функцияга эга бўлмоқда

Google Photos ўтган йили суратлардан ортиқча нарсаларни олиб ташлаш каби сунъий интеллект билан ишлайдиган Mafic Eraser функциясига эга бўлган эди. Бу йил эса у Magic Editor бўлмоқда ва бу ҳам СИ билан ишлайдиган хусусият бўлиб, у суратларни таҳрирлашда катта ёрдам беради.

Масалан, у сизга суратдаги одамни узоқ вақт босиб туриш билан уни фондан кесиб, уни суратнинг бошқа жойига қўйишга ёки суратнинг рамкадан ташқаридаги жойларини қайта яратишга имкон беради. Ушбу функция ҳам йил охиригача чиқарилади.

Google қидирув тизимига сунъий интеллект қўшилмоқда

Сунъий интеллект қидирув тизимлари учун янги тренд бўлди ва барча уни ўзлаштиришда давом этмоқда, шулар қаторида Google ҳам. Google – қидирув тизими, энди сизнинг сўровларингизга Palm 2 катта тил модели орқали жавоб беради. Таъкидлаш жоизки, Bard ҳам худди шу тил моделида ишлайди. Бунда сиз қидирувингизнинг энг юқори қисмида СИ билан яратилган алоҳида майдонга эга жавобни кўрасиз.

Шунингдек, сиз мавзу доирасида кейинги саволларингизни ҳам сўрашингиз мумкин ва сунъий интеллект мавзуни унутмаган ҳолда сизга жавоб беради. Албатта, сунъий интеллект майдонидан пастроқда сиз анъанавий Google жавобларини топишингиз мумкин.

Android 14 да СИ билан яратилган фон расмлари

Вҳен ёур девиcе матчес ёур энергй >>> Витҳ жуст а фев тапс, ёу cан cреате Генеративе АИ валлпаперс то cустомизе ёур эхпериенcе. Cоминг соон то Андроид. #GoogleИО пиc.твиттер.cом/дЖҚЛйнқ7рЙ

— Андроид (@Андроид) Май 10, 2023

Ҳа, сунъий интеллект Android'га ҳам келмоқда. Google шу йилнигн куз фаслида сунъий интеллект билан яратиладиган фон расмлари хусусиятини чиқаради, бу эса Android фойдаланувчилари сўровларига кўра яратилган суратларни фон расм сифатида қўйиш имконини беради.

Булардан ташқари конференция давомида Google ўзининг код ёзадиган Codey, матнни мусиқага айлантириб берадиган MusicLM, фойдаланувчи қайдларини йиғадиган ва уларни тартибга солиб, умумлаштирадиган Tailwind лойиҳаси ва бошқа бир қанча сунъий интеллект билан боғлиқ янгиликларни намойиш қилган. Бўлиб ўтган Google I/О тақдимотини ўтказиб юборган бўлсангиз уни сиз юқоридаги YouTube видео орқали қайта томоша қилишингиз мумкин.