Суперфлагманларда мақтаниш учун янги чипсет
Ўтган йили тақдим қилинганидан кейин Snapdragon 8 Gen 1 чипсети кўплаб Android смартфонларини юқори даражага олиб чиқди. Бироқ, Qualcomm эндиликда ундан яхшироғини, келажак флагман смартфонларда мақтанишга арзийдиган Snapdragon 8+ Gen 1 чипсетини расман тақдим қилди.
Аввалгисидан 10 фоиз тезроқ CPU ва GPU ишлаши ва 30% қувват кам сарфлаши билан янги Snapdragon 8+ Gen 1 чипсети умумий 15 фоизга яхшиланган ва шунча кам батарея қувватини сарфлайди. Янада тушунарлироқ қилиб айтадиган бўлсак, янги чипсет ўрнатилган смартфон эскиси ўрнатилган смартфондан кўра деярли 1 соат кўпроқ ўйин ўйнаш ёки ундан кўпроқ вақт видео стрим қилиш имконини беради. Хабарларга кўра, компания бундай натижага эришиш учун чипсетнинг қуйиш заводини Samsung Foundry'дан TSMC'га ўзгартирган. Таъкидлаш жоизки, чипсетнинг 5G'да секундига 10 GB тезликда юкланишни ва 8К видеога олиш кўрсаткичлари ўзгармаган.
Qualcomm'нинг маълум қилишича, янги чипсет ўрнатилган суперфлагманлар жорий йилнинг учинчи чорагидан чиқарилади.
