«Така бўлсин – сут берсин»: Лионель Месси блокчейн-смартфонни реклама қилади
Sirin компанияси шу йил ноябрнинг сўнгида Finney русумли криптосмартфонини расман тақдим этади. Ушбу маросимни машҳур футболчи Лионель Месси олиб боради, дея хабар беради The Verge нашри.
ЎҚИНГ: Лионель Месси янги смартфон брендини реклама қилмоқда
«Барселона» юлдузидан ташқари, янги блокчейн-смартфонни Sirin Labs асосчилари – Кенес Ракишев ва Моше Хогег тақдим этишади. Ушбу тадбир 28 ноябрь куни Барселона шаҳрида бўлиб ўтади.
Sirin Finney нархи 999 АҚШ долларига тенг бўлиши хабар қилинмоқда. Унинг ижодкорлари смартфон учун аллақачон 25 мингта буюртма олиб қўйишган.
ЎҚИНГ: Месси катта пул сабаб Samsung’дан кечиб, Huawei билан шартнома имзолади
Миш-мишларга қараганда, Sirin Finney криптосмартфони кенг форматли, диагоналига 6 дюймлик экранга эга, унинг пикселлар сиғими 402 ppi’га тенг. Бармоқ изи сканери ҳам дисплейнинг ўзига жойланади. Қурилма илғор Snapdragon 845 чипи, 6 гигабайтлик тезкор ва 128 гигабайтлик доимий хотира билан таъминланади. Смартфоннинг асосий камераси 12 мегапикселли ва f/1.8 диафрагмали объективга эга. Селфи-камера эса 8 мегаписелли бўлиб, f/2.2 апертурали.
Sirin Finney аккумуляторининг ток сиғими 3000 мА/соатга тенг. Смартфон Android 8.1 Oreo тизими базасида яратилган Sirin OS график қобиғи билан ишлайди. Унда кўз ёйи сканери ва дактилоскопик датчик, шунингдек Wi-Fi, NFC ва Bluetooth 5.0 модуллари бўлади. Корпуси IP52 стандартига кўра муҳофазаланган бу смартфон, айрим миш-мишларга қараганда, слайдер форм-факторига эга.
Айтиш керакки, машҳур шахслар қаторида футболчиларни ҳам янги қурилмалар рекламасига жалб этиш тажрибаси аввалдан қўлланиб келади.
ЎҚИНГ: Роналду реклама қилган ZTE Nubia Z17 mini 56 секундда 50 минг дона сотилди
