Танишинг, бу ўзга сайёралик G-nusmas!

Танишинг, бу ўзга сайёралик G-nusmas!

Жанубий Кореянинг Samsung компанияси энди янги маскот қаҳрамонига эга. Унинг исми G-nusmas бўлиб, у яқинда Bespoke нашридаги Galaxy Z Flip 3 рекламаси пайдо бўлди.

Маълум бўлишича, Samsung ўзининг "G-nusmas" 3D қаҳрамони савдо белгиси учун аллақачон Европа Иттифоқининг Интеллектуал мулк идорасига ариза топширган. Ёқимтой кўринишдаги ўзга сайёрликнинг "Товар ва Хизматлар" остида рўйхатдан ўтказилганидан билиш мумкинки, у компаниянинг янги "юзи" бўлади. 

Гарчи товар белгиси учун аризадан кўп нарсани билиб бўлмаса ҳам, унинг исми сизга ҳам таниш туюлаётган бўлиши аниқ. "G-nusmas" - бу "Samsung" номининг тескарисига ёзилган ва биринчи ҳарфдан кейин чизиқча қўшилган вариантидир.

Ҳозирча ўзга сайёралик ҳақида кўп нарсалар маълум эмас, лекин биз уни яқинлашиб келаётган Galaxy Unpacked тақдимотида кўришимиз мумкин.

Таъкидлаш жоизки, ўтган йили 3D кўринишда яратилган Samantha исмли қиз ҳам Samsung компаниясининг янги маскот қаҳрамони бўлиши миш-миш қилинган ва унинг кўплаб суратлари интернетда тарқалган эди. Бироқ унинг на ҳақиқийлиги, на ҳақиқий эмаслиги ҳақида расмий маълумот бор. 

ЎҚИНГ: Июл ойининг энг кучли смартфонлари топ ўнталиги

Сайт янгиликларидан доимий хабардор бўлиш учун Телеграм каналимизга қўшилинг!