Тайёр туринг: Apple ихчам ва арзон iPhone SE 2 устида ишлаяпти!
Купертинолик гигант iPhone SE русумли ихчам смартфонининг иккинчи авлодини чиқариши ҳақида жуда кўплаб миш-мишлар тарқалган. Лекин уларни Apple’нинг ўзи бирор марта ҳам расман изоҳламаган.
ЎҚИНГ: iPhone SE 2 модели iPhone 8 базасида чиқади – тақдимот вақти ва жиҳатлари
Nikkei нашри маълумотларига кўра, 2020 йилнинг баҳорида Apple яна битта ихчам смартфон тақдим этади. Уни 2016 йили тақдим этилган ва ҳақиқий хитга айланган iPhone SE моделининг янгиланган версияси, дейиш мумкин.
Хабарга кўра, шартли равишда iPhone SE 2 деб аталаётган мазкур қурилма экрани диагоналига 4 дюймлик ўлчамга эга. Корпусининг ўлчами оригинал моделдагиси билан бир хил бўлса-да, унинг «ички дунёси» – аппарат таъминоти буткул янгича.
Айтиш керакки, ўша 2016 йилдан буён Apple бирорта ҳам арзон смартфон чиқармаган. iPhone 8 (сотиб олиш) ҳамда iPhone XR (харид қилиш) моделлари нисбатан ҳамёнбоп бўлса-да, барибир улар ҳатто кўплаб илғор Android-смартфонлардан ҳам қиммат. Энди купертиноликлар iPhone SE 2 модели билан янада кенгроқ фойдаланувчилар аудиториясига кириб боришни кўзлашаётган бўлса ажабмас.
ЎҚИНГ: Бу йилги энг арзон iPhone тақдимотдан аввал Geekbench’да кучини кўрсатди
