Tecno компанияси Samsung'ни масхара қилишга уринди

Tecno компанияси Samsung'ни масхара қилишга уринди

Смартфон ишлаб чиқарувчи компаниялар ва уларнинг маркетинг бўлимлари вақти-вақти билан ўзларининг ижтимоий тармоқларида ҳазил пост қолдирадилар ва баъзида ушбу ҳазиллар жуда кулгили чиқади. 

ЎҚИНГ: 18ГБ тезкор хотира ҳамда 1ТБ доимий хотирага эга бўлган флагман смартфон чиқмоқда 

Tecno, ривожланаётган бозорларда ўзининг арзон қурилмалари билан машҳур бўлиб бораётган смартфон ишлаб чиқарувчи компания.

Ушбу компания ўзининг Twitter аккаунтида “try to something new“ (янгилик қилишга ҳаракат қилинг) ҳамда “don't repeat the samesong“ (бир қўшиқни такрорламанг) дея пост қолдирган. Бу ерда “samesong“ (аслида same song) сўзи билан Tecno компанияси Samsung'ни устидан кулишга ҳаракат қилган. 

Бу янги Phantom X смартфонига қаратилган маркетинг ҳаракатининг бир қисми бўлиб, харидорларни «янги дизайндаги» смартфон сотиб олишга ундайди. 

Фото: GSMArena

Tecno нега айнан дунёдаги энг йирик смартфон ишлаб чиқарувчи компанияни танлаганини тушуниш қийин. Бироқ янги Tecno Phantom X қурилмасининг дизайн кўриниши 2018 йилда ишлаб чиқарилган Galaxy S9+ смартфонини эслатиб юборади. 

Фото: GSMArena

Эҳтимол, бу шунчаки диққатни ўзига жалб қилиш учун ўйлаб топилган режа бўлиши мумкин. 

ЎҚИНГ: Android 12 ҳамда One UI 4.0 операцион тизимига ўтувчи Galaxy смартфонлар рўйхати