Телефонингиз қайси Android версиясида ишлашини биласизми?

Телефонингиз қайси Android версиясида ишлашини биласизми?

Албатта, смартфондан яхши фойдаланишни биладиган фойдаланувчилар ўз телефонларининг қайси Android версиясида ишлаши тўғрисида тасаввурга эгалар. Аммо эндигина смартфондан фойдаланишни бошлаганлар-чи? Хўш, нима учун бу маълумотни билиш муҳим?

Ҳозирда жаҳондаги аксарият смартфонлар (Apple смартфонларидан ташқари) Android платформасида ишлайди. Android Google компаниясининг маҳсулоти бўлиб, айни вақтда бағоятда катта тезлик такомиллашиб боряпти. Смартфон қанчалик янги модел бўлса, ундаги Android версия ҳам шунчалик янги бўлади. Платформа версияси смартфоннинг самарадорлигини белгилаб берадиган омиллардандир. Шунинг учун смартфон харид қилаётганда, ундаги Android версиясини текшириш жуда муҳим. Айни вақтда сўнгги Android версия 2015 йилда чиқарилган Android 6.0 Marshmallow ҳисобланади. Android 7.0 Nougat шу йилнинг сўнгги чорагидан бошлаб пайдо бўлади. Агар смартфонингизда эскироқ версия ўрнатилган бўлса, хавотирга тушманг, шунчаки телефон созламаларидаги қурилма ҳақидаги маълумотлар берилган менюда дастурни янгилашга ҳаракат қилинг. Бунинг учун телефон интернет тармоғига уланган бўлиши керак. Смартфон ишлаб чиқарувчилар вақти-вақти билан дастурдаги камчилик ва носозликларни бартараф этиш, янги функцияларни қўшиш ёки Android версиясини янгилаш мақсадида янгиланишларни чиқариб турадилар. Дарвоқе, айнан мана шу менюда смартфонингиздаги Android версиясини билиб олишингиз мумкин.

Қуйида Android версияларининг номлари ва чиқарилган саналари келтирилган:

  • Android 1.5 Cupcake – Апрель 27, 2009
  • Android 1.6 Donut – Сентябрь 15, 2009
  • Android 2.0 Eclair – Октябрь 26, 2009
  • Android 2.2 Froyo – Mай 20, 2010
  • Android 2.3 Gingerbread – Декабрь 6, 2010
  • Android 3.0 Honeycomb –  Февраль 22, 2011
  • Android 4.0 Ice Cream Sandwich – Oктябрь 18, 2011
  • Android 4.1 Jellybean – Июль 9, 2012
  • Android 4.4 KitKat – Oктябрь 31, 2013
  • Android 5.0 Lollipop – Ноябрь 12, 2014
  • Android 6.0 Marshmallow –  Октябрь 5, 2015
  • Android 7.0 Nougat (2016)
Сайтимизнинг энг чиройли расмларини Инстаграмдаги саҳифамизда томоша қилинг!