Телефонингизнинг сиз билмаган 7 имконияти

  •   DiMaX
  •  6928
  •  10.02.2017 14:54

Телефонингизнинг сиз билмаган 7 имконияти

Дунёнинг нариги чеккасига қўнғироқ қилиш, саноқли сонияларда бир гуруҳ дўстларингизга хабарлар юбориш, фотосурат ёки видеолавҳага тушириб, ижтимоий тармоқларда улашиш, керакли маълумотни интернетдан бир зумда топиш… – булар сизнинг смартфонингиз «эплайдиган» энг бирламчи вазифалар, холос. Унинг яна кўпчилика номаълум имкониятлари борки, ҳайратдан ёқа ушлашингиз тайин. AdMe.ru шунақа имкониятларни синаб кўриб, эълон қилган.

Жосус сифатида фойдаланиш

Оддийгина усул ёрдамида телефонингизни жосуслик қурилмаси сифатида ишлатишингиз мумкин. Бунинг механизми жудаям осон: телефонингизни овозсиз ва титрашсиз (тунги) режимга қўясиз, қўнғироқларни автоматик қабул қилиш функциясини ёқасиз. Кейин эса уни керакли жойга, фақат кўринмайдиган қилиб яшириб, микрофонларини овозни яхши қабул қилишга мослаштириб қўясиз. Сўнг эса унга бошқа жойдан қўнғироқ қиласиз, автоматик тарзда уланади – энди у жойлашган хонадаги гап-сўзларни эшитиб олаверасиз. Агар бунга овозларни ёзиб олиш функциясини ҳам қўшиб қўйсангиз, янада соз!

Шунингдек, сал ҳафсала қилсангиз, ундан бошқача усул ёрдамида ҳам жосус-гаджет ясашингиз мумкин.

Телефонни бутунлай блоклаш

Ҳа, севимли ҳамроҳингизда бунақа функция ҳам бор ва керак бўлиб қолиши мумкин. Масалан, телефонингизни ўғирлашса, ўғри ундан фойдаланишда давом этмаслигини хоҳласангиз… Лекин бунда сиз фойдаланаётган уяли алоқа компаниясининг ҳам ёрдамига суянишга тўғри келади.

Гап шундаки, ҳар бир телефоннинг 15 та рақамдан иборат серия рақами мавжуд. Сиз алоқа операторига қўнғироқ қилиб, вазиятни тушунтирасиз, ўзингизнинг шахсий маълумотларингизни, жумладан, телефон рақамингиз ва қурилманинг ўша серия рақамини ҳам айтасиз. Улар эса шу код бўйича телефонингизни буткул блоклаб қўйишади. Телефонингизнинг серия рақамини эса ҳозирнинг ўзидаёқ оддийгина *#06# комбинациясини териш орқали аниқлашингиз мумкин.

Микроскоп яратиш

 Қанчалик ғалати туюлмасин, энг майда нарсаларни каттайтириб кўриш учун қиммат техника сотиб олишнинг кераги йўқ. Бунинг учун фақат кичкина линза топсангиз бўлди, унақаларини, масалан, лазерли кўрсаткич (указка)лардан ҳам ечиб олиш мумкин. Уни смартфонингизга бириктириб, майда деталларни катталаштириб кўришингиз, ҳатто суратга ёки видеога олишингиз имконияти бор. Қўлбола микроскопни ясаш йўриқномаси эса қуйида келтирилган.

Сув остида суратга олиш

Ҳатто ҳозирги юксак технологиялар даврида ҳам аксарият смартфонлар сув ўтказмайдиган эмас. Лекин сув остида суратга олишнинг ҳам йўли бор, бунинг учун сизга фақат полиэтилендан ғилоф ясаш керак бўлади. Буни эса қуйидагиусулда ўзингиз икки-уч дақиқада уддалай оласиз.

Фейсконтроль ўрнатиш

Барча Android-смартфонларда шундай функция бор, лекин негадир кўпчилик бунга эътибор қилмайди. Ишонаверинг, фейсконтроль орқали телефонни қулфлаш усули белгили пароллар ёки график калитлардан кўра анчагина ишончли! Қурилма эгасини юзидан таниб олиш имкониятидан фойдаланиш учун, унинг созламаларидан «Хавфсизлик» («Безопасность»), «Блоклаш» («Блокировка») қисмига ўтиб, керакли функцияни ишга туширинг.

Голограммалар яратиш

Бунинг учун сеҳргар бўлиш талаб этилмайди, фақат қуйидаги йўриқномабўйича бир «ҳунарингизни кўрсатиш» кифоя.

Телефоннинг умрини узайтириш

Вақт ўтиши билан телефонларнинг турли тирқишлари, портларига чанг ўтириб, кирланишини ҳаммамиз биламиз. Лекин шу ҳолат қурилманинг бузилишига сабаб бўлишини кўпчилик ўйлаб кўрмайди. Бунинг олдини олиш учун эса осонгина тозалаш усулидан фойдаланиш мумкин. Яъни, оддийгина тиббиёт шприцининг игнаси учини ўша тирқишга сал тиқиб туриб, унга кучли босим остида ҳаво юборасиз. Ҳаво оқимининг кучи билан унча-мунча чангни тирқишдан ҳайдаб чиқарса бўлади.