Telegram 7.1 чиқди: сиз кутган ва кутмаган имкониятлар!

  •   DiMaX
  •  4399
  •  01.10.2020 21:48

Telegram 7.1 чиқди: сиз кутган ва кутмаган имкониятлар!

Кўпчилигимиз фойдаланадиган Telegram иловаси куни кеча янгиланиб, бир қатор имкониятлар билан бойитилди. Мессенжер жамоасининг бу ҳақдаги расмий мақоласининг ўзбек тилидаги талқинини эътиборингизга ҳавола этмоқдамиз.

ЎҚИНГ: Telegram’даги тақиқ, чеклов ва чегаралар

Бугунги янгиланишда ёзишмаларда тезкор қидириш учун қидирув фильтри, шунингдек, гуруҳни аноним бошқариш имконияти, каналлардаги постларга фикр билдириш ва бошқа кўплаб функциялар қўшилди.

Қидирув фильтрлари

Энди янги варақлар ёрдамида қидирув натижаларини тури асосида қидиришингиз мумкин: Медиафайллар, Ҳаволалар, Файллар ва бошқалар. Фойдаланувчи, гуруҳ, канал ёки бот номи ёзилганида манба асосида фильтр қўшилади.

2020 йилдан суратлар реклама қилинганидан камроқ қизиқарли бўлиши мумкин

Бу қидирув фильтрларини бирлаштириш мумкин – масалан, 2016 йил, мартда юборилган, «қайиқ» сўзи мавжуд бўлган хабарни қидириш.

Аноним гуруҳ администраторлари

Telegram иловасидан демократия ва озодлик учун намойишларни ташкиллаштириш учун кенг фойдаланилмоқда. Бугун биз хавфсизроқ намойишлар учун яна бир воситани тақдим этмоқдамиз.

Администратор ҳуқуқларида Анонимлик бандини ёқинг ва ушбу администратор аъзолар рўйхатидан беркитилади. Унинг чатдаги хабарлари каналлардагига ўхшаб гуруҳ номидан пост қилинади.

Канал фикрлари

Айтганча, каналлар ҳақида: биз муҳокама гуруҳига эга каналлардаги постларга фикр билдириш тугмасини қўшдик. Ҳар бир пост учун фикрлар билан ўз бўлими чиқарилади, лекин администраторга тартибни кузатиш осон бўлиши учун барча фикрлар бириктирилган гуруҳга ҳам ўтказилади.

Биз Интернетдан функцияни номлашни ҳеч қачон сўрамаганимизнинг сабаби бор.

Агар сиз каналнинг муҳокама гуруҳи аъзоси бўлмасангиз, Жавоблар деб номланган янги чат орқали хабардор қилинасиз.

Фақат чекланган вақтда сиз бу функцияни ушбу каналда синашингиз мумкин.

Агар ўз каналингизда муҳокамаларни ёқишни хоҳласангиз, Канал созламалари > Муҳокама рукнига киринг.

Android учун бошқа янгиланишлар

Android иловасида янги равон анимациялар пайдо бўлди. Улар клавиатурани клавиатурани беркитганингизда ёки кенгайтирганингизда, шунингдек, чапдаги меню орқали кун ва тун мавзуларини алмаштиганингизда чиқади. Бундан ташқари, анимацияли қалқиб чиқувчи ойналар қўшилди – масалан, хабарларни ўчиришда, чатлар учун билдиришномалар созламаларини ўзгартиришда ёки мултимедиани сақлашда.

Мен кунда давомида ушбу мавзуларга алмаштиришим мумкин

Гуруҳ чатларида аъзонинг профил расмини босиб туриш орқали унинг катталаштирилган расмини кўриш мумкин. Бир иловада бир нечта аккаунтлардан фойдаланувчилар эса энди аккаунт алмаштиргичини босиб туриш орқали унинг бошқа аккаунтлари чатлар рўхатига назар солиши мумкин.

Янги анимацияли эможилар

Биз анимацияли эможилар қаторини бойитишда давом этмоқдамиз. Анимацияли версиясини кўриш учун исталган чатга алоҳида хабарда қуйидаги эможилардан 👇 бирини юборинг.

Бугунча шулар, фикрларингиздан хурсанд бўламиз.

ЎҚИНГ: Telegram-каналингизга «Тасдиқланган» белгисини қандай олиш мумкин?