Telegram асосчисининг фарзандлари аллақачон Forbes рейтингига кирди!

  •   DiMaX
  •  730
  •  28.05.2021 11:08

Telegram асосчисининг фарзандлари аллақачон Forbes рейтингига кирди!

ВКонтакте ижтимоий тармоғи ва Telegram мессенжери асосчиси Павел Дуровнинг фарзандлари биринчи марта Forbes’нинг энг бой меросхўрлар рейтингига кирди. Бу ҳақда мазкур нашр веб-сайтидаги хабарга таяниб Bugun.uz ёзмоқда.

ЎҚИНГ: Маск ҳам, Безос ҳам «дамини олаверсин»: сайёрамизда энг бой киши бошқаси бўлди!

Қайд этилишича, 2021 йил 15 апрель ҳолатига кўра, миллиардернинг бойлиги 17,2 миллиард долларга баҳоланган, шу боис ҳар бир фарзанди ҳисобига тўғри келган мерос 8,6 миллиард долларни ташкил этган. Ўз навбатида, ушбу кўрсаткич сабаб болалар рейтингда 6-ўринни эгаллаган.

Биринчи ўрин эса «Лукойл»нинг энг йирик акциядори Вагит Алекперовнинг ягона ўғли Юсуф Алекперовга насиб этган.

Маълум қилинишича, Дуровнинг 2009 ва 2010 йилларда туғилган икки фарзанди — бир қизи ва бир ўғли бор бўлиб, у собиқ севгилиси, ҳозирда Барселонада яшовчи Дария Бондаренко билан бирга уларнинг борлигини яшириб келган. Аммо Forbes ўрганишлар давомида миллиардернинг ўғлининг исми Михаил эканини аниқлаган.

Қайд этилишича, Дуров собиқ севгилиси билан Санкт-Петербург давлат университетида танишган. Бу борадаги маълумотларни Дуровнинг синфдоши Максим Петренчук у ҳақида тайёрланган ҳужжатли фильмда маълум қилган.

ЎҚИНГ: Telegram раҳбарига шахсий ассистент керак: БАА ёки Швейцарияга кўчиб ўтишга тайёрмисиз?

Сайт янгиликларидан доимий хабардор бўлиш учун Телеграм каналимизга қўшилинг!