Telegram’даги товламачилар: наманганлик админлар жиноят устида қўлга олинди!

Кенг оммалашган Telegram мессенжерида юртдошларимиз ҳам турли каналлар юритишади. Бироқ улар орасида ғараз ниятлилари ҳам учраб турар экан.

ЎҚИНГ: Telegram орқали Суриядан бошқарилган террорчилар қўлга олинди

Хусусан, яқинда бўлиб ўтган бир нохуш ҳолат ҳақида «Xushnudbek.uz» Telegram-каналига таянган ҳолда Хабар нашри маълумот бермоқда.

Ижтимоий тармоқларда Telegram’даги «Namanganliklar» ва «Namangan-cars» каналининг маъмур (админ)лари О.Т., М.А. ва Ж.Б.лар ўзаро тил бириктирган ҳолда Наманган шаҳридаги «Соҳил» кафеси раҳбаридан товламачилик йўли билан 600 АҚШ доллари олган пайтда қўлга олингани ҳақидаги хабарлар тарқалди.

«Xushnudbek.uz» каналида ёзилишича, ёлланган бир гуруҳ аёллар кафега кириб, овқатдан суварак чиққанлигини айтиб жанжал кўтаришган ва овқатдаги тараканни видеога олиб, видеони «Namanganliklar» канали админига олиб бориб беришган.

Воқеа тафсилотларига кўра, канал маъмури ошхона эгасини «Namanganliklar» каналида 100 минг аъзоси борлиги, агар шу видео каналга чиқарилса, мижозлар ошхонага келмай қўйиши билан қўрқитиб, кафе эгасидан пул талаб қилган.

Кафе эгаси тегишли ташкилотларга хабар бергандан сўнг, товламачиликда гумон қилинаётган админлар 600 АҚШ долларини олаётган пайтда қўлга олинган.

Хабарга кўра, «Namanganliklar» каналига қўшилган сўнгги хабарлар қуйдагича бўлган:

Ҳозирда бу ҳолат юзасидан суриштирув ишлари олиб борилмоқда.

ЎҚИНГ: Telegram'даги ҳаракати туфайли илк инсон қамоққа олинди