Telegram криптовалютаси: чиқиш кунигача аниқ бўлди!
Оммабоп ва хавфсиз Telegram мессенжери асосчиси ўз криптовалютасини ҳам чиқаришга тайёргарлик кўраётгани ҳақида бир қатор хабарлар берганмиз. Бироқ кўпчилик кутаётган бу воқеанинг қачон амалга ошиши ҳамон сўроқ остида эди.
ЎҚИНГ: Павел Дуров Телеграмга қарийб 30 млрд $ “жойламоқчи”
The New York Times нашрига кўра, компания ўз криптопулининг «биринчи партияси»ни шу икки ой ичида амалга киритади. Ушбу нашр қўлга киритган ҳуқуқий ҳужжатларга кўра, Telegram ўз валютасини шу йилнинг 31 октябрига қадар йўлга қўйиши керак. Акс ҳолда, унинг учун тўпланган 1,7 миллиард долларидан мосуво бўлади – бу эса ҳатто Павел Дуров учун ҳам, Telegram учун ҳам жуда катта пул!
Шу боисдан айни дамда Telegram шу криптовалютасини имкон қадар тезроқ муомалага чиқаришга бор эътиборини қаратган. Мессенжернинг барча фойдаланувчилари мазкур криптопулларни Gram номли рақамли ҳамёнда сақлашлари мумкин бўлади.
