Telegram Premium фойдаланувчиларни ўзига жалб қила олмаяпти

Telegram тез орада ўзининг Premium обунасини ишга тушириши, унинг қандай хусусиятларга эга бўлиши ва нархи маълум аллақачон бўлди. Terabayt.Uz эса мессенжернинг пуллик обунаси ҳақида ўз ўқувчилари фикри билан танишди.

Биз бир ҳафта олдин "Telegram Premium обунаси учун ойига $4.99 (55 минг сўм атрофида) тўлашга тайёрмисиз?" номли сўровномани ўз Telegram каналимизга жойладик ва унда 3,100 дан ортиқ фойдаланувчилар қатнашишди.

Маълум бўлишича, сўровнома қатнашчиларнинг 70 фоизи ўзларига Telegram Premium обунаси керак эмаслигини билдиришган. Бошқача қилиб айтганда, мессенжернинг пуллик обунаси кўпчиликда қизиқиш уйғота олмаган.

Бироқ, қолган қатнашчиларнинг 400 га яқини Premium обуна нархи улар учун маъқул эканлигини билдиришган бўлса, 550 дан ортиқ иштирокчилар эса ойлик тўлов нархи арзонроқ бўлса тўлашлари мумкинлигини айтишган.

Сўнгги янгиликларга кўра, Telegram пуллик обунаси нархи 4.99 доллардан 3.99 долларга туширилган. Таъкидлаш жоизки, Premium обуна ҳали қайси давлатлар учун тақдим қилиниши номаълум, нархлар эса шунга қараб ўзгариши мумкин.

ЎҚИНГ: Навбатдаги Telegram янгиланиши ва Premium обуна хусусиятлари ҳақида