Telegram Premium реакциялари

Яқинда Telegram иловасининг сўнгги бета версиясида мессенжер учун Premium обуна синалаётгани маълум бўлган эди. Ушбу "пуллик обуна" Telegram'нинг ҳозирги барча функцияларидан ташқари қўшимча янги хусусиятларни ўз ичига олади ва улардан бири хабарларга бериладиган реакцияларнинг кўпайишидир. Маълум бўлишича, Telegram Premium обунаси 🐳 🕊 🤡 🥱 👌 😍 🥴 реакцияларини ўз ичига олади. 

Ҳозирда пуллик Telegram обунаси нархи қанча бўлиши номаълум, лекин у навбатдаги янгиланишда тақдим қилиниши мумкин. 

Таъкидлаш жоизки, Telegram ўз пуллик хусусияти устида ишлар экан, унинг "бепул" мақоми йўқолади. Мессенжернинг ўзи эндиликда мобил иловасига киришдаги Telegram учун берилган тавсифлар қаторида "Free" сўзига берилган таърифни "Telegram чатлар ва медиа учун бепул чексиз булутли хотирани тақдим этади."га ўзгартирмоқда. Бундан аввал у ерда "Telegram ҳар доим бепул. Рекламаларсиз. Обуна тўловларисиз." деб ёзилган эди.

Шунингдек, навбатдаги Telegram янгиланишида янгиликлар лентаси, аватар яратувчи ва канал бошқарувчилари учун фойдали функция қўшилиши кутилмоқда.

ЎҚИНГ: Telegram Premium яқин орада тақдим этилиши кутилмоқда