Telegram юзернеймлари аукционга чиқарилди

Telegram юзернеймлари аукционга чиқарилди

Бир неча ой аввал Павел Дуров ўзининг Telegram мессенжеридаги @royal каби жозибали ва шунга ўхшаш барча тўрт ҳарфли фойдаланувчи номларини аукционга қўйилишини маълум қилган эди ва бу тез орада амалга ошадиган кўринади: Telegram юзернеймларни NFT кўринишида сотишга тайёрланмоқда.

TON технологиясига асосланган GetGems NFT платформасида "Telegram usernames" ва "Debug Telegram usernames" номли икки коллекция пайдо бўлди. Durov's Code'нинг хабар беришича, NFT'лар 11 октабрда минт қилинган ва улар Telegram жамоаси томонидан жойланган. 

Биринчи коллекция ўз ичига erevan.t.me каби беш ва ундан кўп ҳарфли, шунингдек, abcd.t.me, name.t.me каби бир нечта тўрт ҳарфли ва шу билан бирга mrt.t.me, mmm.t.me каби уч ҳарфли юзернеймлар мавжуд ва уларнинг умумий сони 24 тани ташкил қилади. Яна бир коллекцияда фақат битта, mmm.t.me юзернейми бор. Ҳозирча буларнинг ҳеч қайси бирини сотиб олиб бўлмайди.

Дуровга таъкидлашича, бундай қисқа ва жозибали фойданалувчи номларини аукцион орқали сотиш, бўлажак эгаларига улардан яхши мақсадда фойдаланишларига мотивация бўлади.   

ЎҚИНГ: Telegram'да аввал бепул бўлган функция Premium обунага қўшилмоқда

Terabayt.uz сайтининг видеолари: Youtube'даги каналимизда!