Telegram X’нинг iOS-иловаси янгиланди – янги имкониятлар!
TDLib (Telegram Database Library) асосида яратилган тезкор мессенжер – Telegram X дастлаб Apple қурилмалари учун, сўнгроқ эса Android-гаджетлар учун ҳам тақдим этилган эди. Дастурчилар жамоаси оригинал клиент билан бир қаторда уни ҳам ривожлантиришда давом этишмоқда.
ЎҚИНГ: iOS учун янада тезкор Telegram X тақдим этилди
Энди эса iOS тизими бошқаруви остидаги қурилмалар учун Telegram X иловаси 5.0.2 (242) талқинига қадар янгиланди. Унда фойдаланувчилар учун қуйидаги ўзгариш ва янги имкониятлар тақдим этилган:
- Бир қанча яхшилашлар эвазига илованинг ўзи янада силлиқ ишлайдиган бўлган.
- Live Locations функцияси – энди суҳбатдошингизга айни пайтдаги жойлашув ўрнингизни реал вақт режимида юбориш имкони бор.
- Модерация жиҳозлари (тақиқлаш, спам ҳақида ҳисобот бериш ва бошқалар) яхшиланган.
- Супергуруҳларда ва каналларда энди маъмурнинг сўнгги ҳаракатларини кўриш мумкин.
- Матнларни энди турли (тўқранг, курсивли, ҳарфлари бир хил кенгликдаги) форматларда ёзиш, шунингдек, сарлавҳадаги форматланган матнни кўриш мумкин.
ЎҚИНГ: Telegram X’нинг оддий Telegram’дан фарқи нималарда?
Аллақачон Telegram X’дан фойдаланаётган iPhone ва iPad эгалари бу иловани янгилашлари, бу клиентни ҳали ўрнатиб олмаганлар эса мана бу ҳавола орқали юклаб олишлари мумкин.