Telegram X’да йирик янгиланиш: ўзгаришлар билан танишинг!

Юртимизда кенг тарқалган мессенжернинг расмий муқобил иловаси Telegram X ҳам такомиллашишда давом этмоқда. Унинг Android платформаси учун ишлаб чиқилган иловаси 0.22.0.1205 версиясига қадар янгиланди.

ЎҚИНГ: Telegram’да жиддий хатолик аниқланди! Уни топган дастурчи эса мукофотланди (+видео)

Янгиланган Telegram X клиентида қуйидаги ўзгаришлар ва янги имкониятлар мавжуд:

— Анимацияли стикерлар.

— Чатда глобал ҳуқуқлар берилган.

— Гуруҳ маъмур (администратор)ларини кўриш мумкин (чат профили → «уч нуқта» тугмачаси → «View admins»).

— Қўшимча махфийлик параметрлари.

— Интерфейс мавзуларида обойлардан фойдаланиш.

— Медиафайлларни юксак сифатда кўриш.

— Instant View ишлай бошлаган (тўлиқ экранда очиш, свайп билан ёпиш, браузерга ўтиш имкони ва ҳоказо).

— Кемтик экранли қурилмаларга мослаб тўғриланган.

— Қўнғироқлар учун интернетдан фойдаланиш созламаларига «Роумингда» банди қўшилган.

— Фойдаланувчининг гуруҳга ёки каналга аъзо бўлган вақтини кўриш мумкин (иштирокчилар рўйхатида кераклисининг устига босиб ушлаб турилади).

— Гуруҳдаги сўнгги амалларда сўровни тўхтатиш ҳамда глобал ҳуқуқлар ўзгаришларининг акс эттирилиши.

— Агар гуруҳда ҳавола бўйича дастлабки кўриш (предпросмотр по ссылкам) тақиқланган бўлса, хабар матнини киритиш майдонида ҳам у чиқиб турмайди.

— Гуруҳнинг тавсифи ва суратини унинг профили орқали ўзгартириш имкони (бунинг учун сизда мазкур амалга ҳуқуқ бўлса).

— Гуруҳлар ва супергуруҳлар учун бир хил созламалар жорий этилган; гуруҳнинг айрим созламаларни ўзгартириш пайтида уни супергуруҳга айлантириш таклиф этилади.

— Клиент ичида илованинг янгиланиши йўлга қўйилган.

— Экранни иккига ажратиш режимида ҳолат қаторининг дубликато олиб ташланган.

— Чатлар фонининг ички мантиғи қайта ишланган: API Backgrounds 2.0’га ўтилган, янги обойлар қўшилган.

— Чатнинг фонлари орасида биридан иккинчисига ўтиш яхшиланган.

— Матнни таҳрирлашда свайп орқали чиқиб кетиш функцияси олиб ташланган (олдин шу функция сабабли ўзгаришлар йўқолиб кетарди).

Юқоридаги янги имкониятлар яқин орада янгиланувчи iOS-иловада ҳам жорий этилади. Android-девайслар эгалари эса Telegram X клиентини мана бу ҳавола орқали янгилаб (ёки ўрнатиб) олишлари мумкин.

ЎҚИНГ: Telegram’да телефон рақамингизни буткул яшириш йўлини ўрганиб олинг