Telegram яна янгиланди: викториналар ва янгича сўровномалар

DiMaX
3545
24.01.2020 17:44

Юртимизда оммалашган Telegram мессенжерининг Android ҳамда iOS иловалари 5.14 талқинига қадар янгиланди. Дастурчилар бу гал ундаги сўровномаларни янгилашган, викторина ташкил этиш имконини қўшишган ва интерфейснинг кўринишини яхшилашган.

ЎҚИНГ: Telegram асосчиси: «Бу сервис энди расман сизларни кузатиш жиҳозига айланган!»

Очиқ сўровномалар

Аввал барча сўровномалар аноним эди; энди эса уларнинг очиқ овоз бериладиган тури ҳам пайдо бўлди.

Бунда кимлар овоз бергани ва қайси вариантни танлагани барчага кўриниб туради.

ЎҚИНГ: «Группага одам қўш ва пул ишла»: интернет-фирибгарларнинг янги туридан сақланинг!

Танлаш имконияти энди кенг

Бир неча жавоблари билан эълон қилинган сўровларда энди бирйўла бир нечта вариант учун овоз бериш мумкин.

Ушбу функция ёрдамида гуруҳларда турли тадбирларни режалаштириш мумкин. Шунингдек, биттадан ортиқ жавобни белгилаш керак бўладиган вазиятларда ҳам мазкур имкониятдан фойдаланса бўлади.

ЎҚИНГ: Telegram’даги террорчилар Алишер Усмонов компаниясига қарашли мессенжерга кўчиб ўтишган!

Викторинага тобингиз қалай?

Янгиланган сўровномалар билан бирга энди викторина яратиш имкони ҳам тақдим этилди, иштирокчилар унда тўғри жавобни танлашлари мумкин бўлади.

Бир неча сўровларни ва мультимедиани ўз ичига олувчи викторина учун @quizbot ботидан фойдаланиш мумкин.

ЎҚИНГ: Telegram асосчиси Дуров: «Смартфонингиздан бу иловани ўчириб ташланг!»

Визуал яхшиланишлар

Telegram’нинг янгиланган иловаларида интерфейс ҳам силлиқланган, аниқроғи – уни созлашда яна бир имконият тақдим этилган. Яъни, унда энди хабарларнинг «пуфакча»лари бурчакларининг ўткирлигини созлаш мумкин.

Мессенжернинг Android-клиентида ушбу созлама «Настройки > Настройки чатов» бўлимида, iOS-иловасида эса: «Настройки > Оформление» қисмида жойлашган.

ЎҚИНГ: Telegram’да ўз-ўзидан ғойиб бўлувчи расм ёки видео жўнатамиз

Мегабайтингиз камроқмиди?

Android-қурилмалар фойдаланувчилари учун Telegram яна бир фойдали янгилик тақдим этган: унда мессенжер орқали кўчириб олинадиган ёки юбориладиган мълумотларнинг ҳажмини акс эттирувчи юклаш индикатори бор:

Айтиш керакки, компьютерлар учун Telegram Desktop дастури ҳам барқарор 1.9.7 версиясида, macOS учун Telegram эса 5.9 талқинида тақдим этилди. Уларда ҳам юқоридаги имкониятларнинг деярли барчаси мавжуд.