Telegram’даги ажойиб функция, ниҳоят, WhatsApp’га ҳам қўшиляпти

WhatsApp бета-тестерлари мессенжерда ўз-ўзидан йўқолиб кетувчи хабарлар функцияси мавжудлигинипайқаб қолишди. У худди Telegram ва Snapchat иловаларидаги каби кўринишда.

ЎҚИНГ: Смартфонингиздаги 19 та хавфли илова: Facebook, Messenger, Shareit...

Янги функция Delete Messages (Хабарларни ўчириш) деб номланади ва WhatsApp мессенжерининг Android учун чиқарилган 2.19.348 рақамли бета-клиентида аллақачон пайдо бўлган. Унинг ёрдамида фойдаланувчи ўзи юбораётган хабарнинг маълум бир вақтдан сўнг йўқолиб кетишини белгилаши мумкин. Delete Messages шахсий ёзишмаларда ҳам, гуруҳли чатларда ҳам ишлайди.

Айтиш керакки, бундай функция Telegram мессенжерида аллақачондан бери мавжуд. Унда ўз-ўзидан ғойиб бўлувчи расм ёки видео жўнатиш усулини мана бу йўриқнома-мақоламизда батафсил эълон қилганмиз.

Ўз-ўзидан йўқолувчи хабарлар функциясининг барча WhatsApp фойдаланувчиларига қачон тақдим этилиши ҳозирча номаълум. Унинг амалдаги барқарор версиисида эса хабарларни фақат кейин ўчириш мумкин.

Дарвоқе, Telegram асосчиси Дуров яқинда: «Смартфонингиздан бу иловани ўчириб ташланг!» дея чиқиш қилган эди.

ЎҚИНГ: Telegram, WhatsApp ва Viber’даги ўз профилларимизни янги телефон рақамимизга қандай ўтказамиз?